នៅពេលនេះ ក្រុមហ៊ុន Apple បាននឹងកំពុងតែធ្វើការនៅលើស្មាតហ្វូន iPhone 14 Series ហើយស្របពេលដែលក្រុមហ៊ុនផលិត Accessory ជាច្រើន ក៏បានចាប់ផ្តើមធ្វើការផលិតចេញនូវរបស់ថ្មីៗសម្រាប់ប្រាស់ជាមួយនិងស្មាតហ្វូននេះផងដែរ។ មកដល់ពេលនេះ ការឌីស្សាញរបស់ស្មាតហ្វូន iPhone 14 series គឺស្ថិតនៅក្នុងខ្សែសង្វាក់ផ្គត់ផ្គង់ជាផ្លូវការហើយ។ ដូចដែលយើងបានដឹងហើយថា ក្រុមហ៊ុន Apple នឹងបង្ហាញនូវស្មាតហ្វូនចំនួន 4 ម៉ូឌែលនៅក្នុងឆ្នាំនេះ។
ស្មាតហ្វូនទាំង 4 នេះ មានម៉ូដែល iPhone 14, iPhone 14 Max, iPhone 14 Pro និង iPhone 14 Pro Max ។ ស្មាតហ្វូន iPhone 14 Pro Series នេះក៏មានការទាក់ទាញខ្លាំងក្នុងការប្រើប្រាស់ផងដែរ។ ស្មាតហ្វូនចំនួន 2 ម៉ូឌែលនឹងមាន Notch ជាមួយនឹងអេក្រង់ទំហំ 6.1-អ៊ីង។ សម្រាប់ស្មាតហ្វូន 2 ទៀត គឺមានអេក្រង់ Pill-Hole ជាមួយនឹងអេក្រង់ 6.7 អ៊ីង។ ស្មាតហ្វូន iPhone 14 Pro Max នឹងមានភាពខុសគ្នាជាមួយនឹងម៉ូឌែលផ្សេងៗទៀតទៅលើទំហំ និងថាមពលថ្មរបស់វា។
របាយការណ៍ចុងក្រោយបំផុតរបស់ស្មាតហ្វូន iPhone 14 series នេះទម្លាយអំពីការឌីស្សាញ និងពណ៌ចំនួន 4 របស់ស្មាតហ្វូននេះ។ ស្មាតហ្វូននេះនឹងមានពណ៌ដ៏ទាក់ទាញមួយនោះគឺ gold version ។ ស្មាតហ្វូន iPhone 14 Pro អាចនឹងមានពណ៌ “local gold” ដែលបានប្រើប្រាស់នៅលើស្មាតហ្វូន iPhone 5/6 កាលពីប៉ុន្មានឆ្នាំមុនេះ។ វាក៏អាចនឹងមានឈ្មោះហៅថា “champagne gold” ផងដែរ។
ស្មាតហ្វូន iPhone 14 Pro នេះ នឹងមានពណ៌ “local gold” តើអ្នកមានអារម្មណ៍យ៉ាងណាដែរ? ស្មាតហ្វូន iPhone 14 Pro Max នេះអាចនឹងប្រើប្រាស់នូវ Apple Pencil stylus ថែមទៀតផង។ ស្មាតហ្វូន iPhone 14និង iPhone 14 Max នឹងប្រើប្រាស់នូវបន្ទះឈីប A15។ យ៉ាងណាមិញ ស្មាតហ្វូន iPhone 14 Pro និង iPhone 14 Pro Max នឹងមានបន្ទះឈីប A16 processor ។ ស្មាតហ្វូនទាំង 4 នេះ នឹងមានរ៉េមទំហំ 6GB។ ស្មាតហ្វូនចំនួន 2 ម៉ូដែលនឹងមានកាមេរ៉ាទំហំ 12MP ខណៈពេលដែល 2 ម៉ូឌែលទៀតមានកាមេរ៉ាទំហំ 48MP ជាមួយនឹងវីដេអូកម្រិត 8K ៕
