កាលពីប៉ុន្មានថ្ងៃមុននេះក្រុមហ៊ុន ZTE បានប្រកាសចេញនូវស្មាតហ្វូនលំដាប់ថ្នាក់កំពូលរបស់ខ្លួននៅក្នុងប្រទេសចិន ដែលមានចំនួន 2 ម៉ូដែលគឺ ZTE Axon 40 Pro និង ZTE Axon 40 Ultra។ ថ្ងៃនេះស្មាតហ្វូនបងធំគេម៉ូដែល ZTE Axon 40 Ultra ត្រូវបានក្រុមហ៊ុននេះប្រកាសដាក់លក់នៅលើប្រទេសចិនហើយ។ សម្រាប់ម៉ូដែលស្តង់ដារទំហំ 8GB-256GB គឺមានតម្លៃ 4,998 yuan (~$735) ខណៈដែលទំហំ 12GB-256GB គឺមានតម្លៃ 5,298 yuan (~$779)។ ចំពោះទំហំ 12GB-512GB គឺមានតម្លៃ 5,798 yuan (~$852) ស្របពេលដែលម៉ូដែលធំជាងគេ 16GB-1TB គឺមានតម្លៃ 7,298 yuan (~$1,073)។
សូមជំរាបថា ZTE Axon 40 Ultra គឺមានអេក្រង់ទំហំ 6.81-inch AMOLED display បង្ហាញចេញបានកម្រិត FHD+ ជាមួយនិង resolution ទំហំ 2480x1116pixels និងមានល្បឿន refresh rate 120Hz ព្រមទាំងមានមុខងារចាក់ពណ៌ 100 % DCI-P3 color gamut ហើយនិងកម្រិតលាយពណ៌ 10-bit colors ហើយនិងបច្ចេកវិទ្យាជះពន្លឺ 400 PPI pixel density ផងដែរ។ ស្មាតហ្វូននេះ ដំណើរការជាមួយនិងបន្ទឈីប Snapdragon 8 Gen 1 និងមានរ៉េមធំបំផុតទំហំ 16GB of LPDDR5 RAM និងមេម៉ូរិទំហំធំបំផុត 1TB of UFS 3.1 storage។
សម្រាប់ការថតរូបស្មាតហ្វូននេះ មានកាមេរ៉ាគោលទំហំ 64-Megapixel Sony IMX787 primary sensor និងមានមុខងារ Full-Pixel Omnidirectional Autofocus ថែមទៀត។ សម្រាប់គ្រាប់ទីពីរវិញ គឺមានទំហំ 64-Megapixel Sony IMX787 ជាប្រភេទឡែន ultra-wide camera និងមុខងារទប់លំនឹង OIS។ ហើយសម្រាប់គ្រាប់ទីបីវិញ គឺមានទំហំ 64-Megapixel ដូចគ្នាតែនេះជាប្រភេទ Telephoto periscope។ រីឯការថតសែលហ្វី ស្មាតហ្វូននេះមានកាមេរ៉ាមុខទំហំ 16-Megapixel ដែលមានការដាក់បញ្ចូលនៅក្រោមអេក្រង់តែម្តង។ នេះគឺបច្ចេកវិទ្យា under-screen camera ជំនាន់ទីបី ថែមទៀតផង។
បន្ថែមពីនេះស្មាតហ្វូននេះ ក៏នូវមាន Dual Speakers ជាមួយនិង DTS Ultra support ហើយនិង X-axis linear motor ផងដែរ។ ស្មាតហ្វូននេះរត់ជាមួយ Android 12 ផ្អែកលើ MiFavor UI ចេញពីប្រអប់តែម្តង។ សម្រាប់ថាមពលថ្មវិញ ស្មាតហ្វូននេះនេះ គឺមានថ្មទំហំ 5000mAh និងមាមការគាំទ្រជាមួយនិងកម្លាំងសាក 80W fast charging ប៉ុន្តែមិនមាន Wireless Charge ទេ។
