ថ្មីៗនេះក្រុមហ៊ុន OPPO ត្រូវបានគេមើលឃើញថា បានចូលប្រលូកនៅក្នុងទីផ្សារថេប្លេតនៅប្រទេសចិន ហើយជាមួយនិងវត្តមានម៉ូដែលថ្មី OPPO Pad ដែលនេះគឺជាម៉ូដែលដំបូង មានការប្រើប្រាស់នូវបច្ចេកវិទ្យា 5G មានអេក្រង់ទំហំ 11 អ៊ីង LCD ល្បឿន 120Hz និងមានការបំពាក់នូវបន្ទះឈីប Snapdragon 870។
យោងតាមរបាយការណ៌ថ្មីដែលចេញផ្សាយនៅថ្ងៃនេះ គឺបាននិយាយថា ក្រុមហ៊ុន OPPO គឺបាននឹងកំពុង តែធ្វើការនៅលើថេប្លេតថ្មីមួយទៀតហើយសម្រាប់ទីផ្សារនៅក្នុងស្រុក។ ថេប្លេតនេះ គឺមានឈ្មោះថា OPPO Pad Air ហើយពេលនេះ ក្រុមហ៊ុននេះ ក៏បានប្រកាសដាក់អោយមានការ Pre Order នៅក្នុងប្រទេស ចិនថ្ងៃនេះថែមទៀតផង។
បើតាមរូបភាពដែលគេទម្លាយចេញនេះ គឺបានបង្ហាញចេញថា OPPO Pad Air នឹងមានការទ្រទ្រង់ជា មួយនិង OPPO Pencil និងមានការប្រើប្រាស់កាមេរ៉ាក្រោយមួយគ្រាប់ ហើយជាមួយគ្នានេះក្រុមហ៊ុន នេះក៏នឹងមានការបញ្ចេញនូវ Accessories ដូចជា Folio Keyboard Case សម្រាប់ថេបេ្លតនេះផងដែរ។
សូមជំរាបថា OPPO នៅមិនទាន់មានការបញ្ចេញនូវព័ត៌របស់ថេប្លេតនេះនោះទេ ប៉ុន្តែបើតាមអ្នកទម្លាយ Digital Chat Station បានបង្ហាញថា ថេប្លេតនេះ គឺនឹងមានមអេក្រង់ទំហំ 10.36-inch LCD display បង្ហាញចេញបានកម្រិត 2000 x 1200 pixels និងមានល្បឿន 60Hz refresh rate។ ថេប្លេតនេះ ប្រើប្រាស់នូវឈីប Snapdragon 680 ដែលមានកម្រិត 4G តែប៉ុណ្ណោះ។