OPPO Reno 8 Series នឹងក្លាយជាម៉ូដែលថ្មីមួយទៀតរបស់ក្រុមហ៊ុននេះ ដែលគេដឹងថា នឹងមានវត្តមាននៅលើទីផ្សារក្នុងប្រទេសចិននាថ្ងៃទី 23 ខែឧសភាខាងមុខនេះហើយ។ នៅសល់មួយសប្តាហ៍ទៀត ថ្ងៃប្រកាសរបស់ស្មាតហ្វូន Reno 8 series គឺនឹងធ្វើឡើងហើយនៅពេលនេះ គឺឃើញមានការប្រកាសដាក់អោយ pre-order ស្មាតហ្វូននេះតាមរយៈហាងជាច្រើន ក្នុងនោះមានដូចជា វិបសាយ OPPO នៅចិន, Jingdong Mall និង Suning ជាដើម ដោយនៅលើហាងទាំងនេះ ក៏៎មានការបង្ហាញនូវរូបគំនូសរបស់ស្មាតហ្វូន Reno 8, Reno 8 Pro និង Reno 8 Pro+ ទៀតផង។
បើមើលទៅលើស្មាតហ្វូន OPPO Reno 8 Series នេះ គឺមានការបង្ហាញពីការឌីស្សាញទៅលើផ្នែកខាងក្រោយដូចៗគ្នា ខណៈដែលខាងមុខរបស់ Reno 8 គឺមានរន្ធ punch-hole ស្ថិតនៅផ្នែកខាងឆ្វេង និងមានថ្ងាសស្តើង។ សម្រាប់ Reno 8 Pro គឺមានការឌីស្សាញស្រដៀងគ្នាក៏ប៉ុន្តែមានថ្ងាសលើក្រោមររឹតរែស្តើង ស្របពេលដែលការឌីស្សាញរន្ធ punch-hole សម្រាប់ Reno 8 Pro+ គឺនៅចំកណ្តាលអេក្រង់។ សម្រាប់ផ្នែកខាងក្រោយរបស់ស្មាតហ្វូនទាំងនេះ គឺមានការឌីស្សាញម៉ូឌុលកាមេរ៉ាដូចៗគ្នា ខណៈដែល Reno 8 Pro និង Pro+ អាចនឹងបំពាក់ឈីប MariSilicon។
Reno 8 និង Reno 8 Pro នឹងបង្ហាញខ្លួនជាមួយជម្រើស 3 ពណ៌គឺ Slightly Drunk (machine-translated), Clear Sky Blue និង Night Tour Black។ ស្មាតហ្វូនទាំងពីរនេះ គឺមានពីរទំហំ 8GB+128GB និង 12GB+256GB។ សម្រាប់ Reno 8 Pro+ ដែលបង្ហាញនៅលើបញ្ជី Xiaoyaoqing គឺមានពណ៌ Roaming Grey និង Undercurrent colorways។
ស្មាតហ្វូន នេះ និងមាន 3 ទំហំ គឺ 8GB+128GB, 8GB+256GB និង 12GB+256GB។ ជាមួយនិងការទម្លាយនេះ គឺមិនមានព័ត៌មានច្បាស់នោះទេ ប៉ុន្តែរបាយការណ៌ និយាយថា Reno 8, 8 Pro, and 8 Pro+ និងប្រើឈីប Dimensity 1300, Snapdragon 7 Gen 1 និង Dimensity 8100។
