OPPO F9, F9s, A74 និង A95 ទទួលបានការធ្វើបច្ចុប្បន្នភាពផ្លូវការណ៍ឡើងមក Android 12 ជាមួយនឹង ColorOS 12

ត្រឡប់ទៅកាលពីខែមេសា OPPO បានចាប់ផ្តើមការធ្វើតេស្តសាកល្បងនូវប្រតិបត្តិការ Android 12 ជាមួយ ColorOS 12 Beta នៅលើស្មាតហ្វូនម៉ូដែល OPPO F9, F9s, A74 និង A95។ ហើយពេលនេះស្មាតហ្វូនទាំង 4 ម៉ូដែលនេះ ក៏ទទួលបានការធ្វើបច្ចុប្បន្នភាពឡើងមកប្រតិបត្តិការជំនាន់ថ្មីចុងក្រោយនេះជាស្ថាពរហើយ មានន័យថា ប្រសិនបើលោកអ្នកកំពុងកាន់ប្រើនូវស្មាតហ្វូនទាំង 4 ម៉ូដែលខាងលើនេះគឺអាចធ្វើការដំឡើងប្រតិបត្តិការថ្មីនេះតាមរយះ Software update នៅលើទូរស័ព្ទលោកអ្នកដោយផ្ទាល់តែម្តង។

បើយោងតាមការបញ្ជាក់ផ្លូវការណ៍នៅលើ OPPO Community បានបង្ហាញថា Firmware សម្រាប់ធ្វើបច្ចុប្បន្នភាពនៅលើស្មាតហ្វូនទាំង 4 ស៊េរីខាងលើគឺមានឈ្មោះសំគាល់ថា C.09។ លោកអ្នកដែលជាម្ចាស់ស្មាតហ្វូនទាំង 4 ម៉ូដែលខាងលើអាចចូលទៅកាន់ Setting របស់ទូរស័ព្ទ និងចុចនៅលើ Software Updates ដើម្បីធ្វើការ Download រួចធ្វើការ Install ជាការស្រេច៕