នៅថ្ងៃនេះ DigitalChatStation បានទម្លាយថា នៅចុងឆ្នាំ 2022 នេះ នឹងមានការបង្ហាញខ្លួននូវស្មាតហ្វូនលំដាប់ Flagships ជាច្រើន ដែលមានការប្រើប្រាស់បន្ទះឈីប Snapdragon 8 ជំនាន់ទី 2 ដែលក្រុមហ៊ុន Qualcomm គ្រោងនឹងបង្ហាញចេញនៅក្នុងពេលឆាប់ៗនេះ។ គួរបញ្ជាក់ថា កាលពីពេលមុននេះ @DigitalChatStation ក៏ធ្លាប់បានទម្លាយថា ស្មាតហ្វូន Xiaomi 13 Series ដែលជាម៉ូដែល Flagship គឺមានការការតម្លើងតួខ្លួនពីកញ្ចក់សេរ៉ាមិចនោះ ក៏នឹងក្លាយជាម៉ូដែលមួយនៅក្នុងចំណោមស្មាតហ្វូនដែលប្រើប្រាស់នូវបន្ទះឈីប Snapdragon 8 ជំនាន់ទី 2 នេះ ផងដែរ។
ប្រភពខាងលើនេះ បានបន្តថា បន្ទះឈីប Snapdragon 8 ជំនាន់ទី 2 នេះ នឹងមានសមត្ថភាពខ្លាំងក្លាជាងបន្ទះឈីប Snapdragon 8+ ហើយនឹងមានប្រសិទ្ធិភាពនៃការប្រើប្រាស់ល្អជាងបន្ទះឈីប Snapdragon 8+ processor version។ ជាមួយនិងព័ត៌មានបន្ទះឈីបនេះ ក្រុមហ៊ុន Qualcomm ក៏បានបង្ហាញនូវបន្ទះឈីប Snapdragon X70 ដែលស្ថិតនៅក្នុងបន្ទះឈីប Snapdragon 8 CPU ជំនាន់ទី 2 ផងដែរ។ បន្ទះឈីបនេះ គឺមានការប្រើប្រាស់នូវបច្ចេកវិទ្យា Qualcomm 5G AI Suite, Qualcomm 5G Ultra Low Latency Suite និង quad-carrier convergence ស្ថិតនៅក្នុង Snapdragon X70 ។
ថ្មីៗនេះ Digital Chat Station បានអះអាងថា ស្មាតហ្វូន Xiaomi 13 series គឺស្ថិតនៅក្នុងការអភិវឌ្ឍ ហើយស្មាតហ្វូននេះមានកូដឈ្មោះហៅថា Xiaomi m2។ សម្រាប់ស្មាតហ្វូននេះ គឺមានតួខ្លួនសេរ៉ាមិច និងគុណភាពរឹងមាំក្នុងការប្រើប្រាស់។ តួខ្លួនសេរ៉ាមិចបានប្រើប្រាស់នៅលើស្មាតហ្វូន Xiaomi flagships ជាច្រើនដែលរួមមាន Xiaomi Mi 11 Ultra និង Xiaomi Mix 4 អញ្ចឹងដែរ ៕
