ក្រុមហ៊ុន Xiaomi បានប្រកាសចេលក់នាឡិកាឆ្លាតវៃរបស់ខ្លួនម៉ូដែល Mi Band 7 fitness tracker នៅលើទីផ្សារសកលហើយចាប់ពីថ្ងៃនេះ។ Mi Band 7 អាចបញ្ជាទិញបានចាប់ពីថ្ងៃនេះនៅលើទីផ្សារអឺរ៉ុប ដោយម៉ូដែលស្តង់ដារនៃនាឡិកា fitness tracker គឺមាមតម្លៃ €59.99 យូរ៉ូ។
Xiaomi Band 7 ត្រូវបានក្រុមហ៊ុនបំពាក់មកជាមួយនូវអេក្រង់ទំហំ 1.62 អ៊ីងប្រភេទកញ្ចក់ AMOLED display បង្ហាញចេញបានក្នុងទំហំ 192x490pixels និងមានកម្រិតពន្លឺច្បាស់ដល់ទៅ 326 PPI pixel density ហើយនិងមានការគាំទ្រដោយពន្លឺ 500nits នៃ peak brightness ផងដែរ។ ជាមួយគ្នានេះនៅលើអេក្រង់នេះក៏មានភ្ជាប់នូវមុខងារ Always-On display និងមុខងារ dynamic Mars wallpaper ដែលមាននៅលើស្បែកកម្មវិធី MIUI 13 អញ្ចឹងដែរ។
និយាយពីរូបរាងនិងការឌីស្សាញវិញ នាឡិកានេះ គឺមានរាងដូចគ្នាជាមួយនិងជំនាន់មុន Mi band 6 អញ្ចឹងដែរ។ នាឡិកានេះមានទម្ងន់ 13.5 ក្រាម។ សម្រាប់កម្មវិធីមុខងារប្រើប្រាស់នោះ នៅលើនាឡិកានេះ គឺមានភ្ជាប់នូវមុខងារ Xiao AI assistant និងមាមការគាំទ្រដោយមុខងារណែនាំហាត់ប្រាណ 120 របៀប ដោយមានការរួមបញ្ចូលនូវមុខងារពិសេសៗ និងជំនាញៗ និងសកម្មភាពជាច្រើនថែមទៀតផង។ ជាមួយគ្នានេះ នាឡិកានេះ ក៏មានភ្ជាប់មុខងារ វាស់អុកស៊ីសែនក្នុងឈាមផងដែរ។ នាឡិកាឆ្លាតវៃនេះមានថ្មទំហំ 180mAh អាចប្រើប្រាស់បាន 15 ថ្ងៃសាកពេញម្តង។
