យោងតាមរបាយការណ៍ជាច្រើនបានទម្លាយថា ក្រុមហ៊ុន iQOO បាននឹងកំពុងតែធ្វើការនៅលើស្មាតហ្វូន iQOO 10 Series សម្រាប់ទីផ្សាររបស់ចិន។ ស្មាតហ្វូនថ្មីនេះ មាន 2 ម៉ូដែលគឺ iQOO 10 និង iQOO 10 Pro។ នៅថ្ងៃនេះ អ្នកទម្លាយ Digital Chat Station ក៏បានបង្ហាញអំពីលក្ខណៈសម្បត្តិជាច្រើនរបស់ស្មាតហ្វូន iQOO 10 ផងដែរ។ ដូចអ្វីដែលអ្នកបានឃើញនៅលើរូបភាព screenshot នោះ អ្នកទម្លាយនេះ បានបង្ហាញអំពីលក្ខណៈសម្បត្តិរបស់ស្មាតហ្វូននេះ ប៉ុន្តែគាត់នៅមិនទាន់បញ្ជាក់អំពីឈ្មោះរបស់ស្មាតហ្វូននេះទេ។
នៅក្នុងការបង្ហោះនៅលើ Weibo នោះ គាត់អាចនឹងសំដៅទៅលើស្មាតហ្វូន iQOO 10។ ស្មាតហ្វូនiQOO 10 នេះមានអេក្រង់ OLED មានទំហំ 6.78 អ៊ីង និងមានសមត្ថភាពអាចបង្ហាញចេញបានជាមួយនឹងកម្រិតភាពច្បាស់ FHD+ ល្បឿន 120Hz refresh rate និងមានមុខងារ DC dimming ថែមទៀតផង។ ស្មាតហ្វូននេះ មានបន្ទះឈីប SM8475 ដែលអាចជាបន្ទះឈីប Snapdragon 8+ Gen 1 ហើយអាចនឹងប្រើប្រាស់ជាមួយនឹងរ៉េមទំហំ 12GB ។
សម្រាប់ការថតរូបវិញ ស្មាតហ្វូន iQOO 10 នេះ មានកាមេរ៉ាខាងក្រោយទំហំ 50-megapixel ជាមួយនឹង 1/1.5-inch sensor ។ វាមានបច្ចេកវិទ្យាសាកថ្មលឿន 120W fast charging។ បន្ថែមពីនេះ ក៏មានការបញ្ជាក់ថា ស្មាតហ្វូន iQOO 10 Pro នេះ អាចនឹងមានបន្ទះឈីប Snapdragon 8+ Gen 1។ ស្មាតហ្វូននេះ នឹងមានបច្ចេកវិទ្យាសាកថ្មលឿន 200W fast charging ដែលអាចសាកថ្មពេញនៅក្នុងពេលតែ 12 នាទីប៉ុណ្នោះ។ ស្មាតហ្វូននេះ មានបច្ចេកវិទ្យា 65W wireless charging ។ ស្មាតហ្វូន iQOO 10 ទាំងពីរនេះ នឹងបង្ហាញខ្លួននៅក្នុងខែកក្កដានេះ៕