កាលពីប៉ុន្មានថ្ងៃមុននេះ ក្រុមហ៊ុន China Mobile បានបញ្ចេញនូវឯកសារនិយាយអំពីស្ថាបត្យកម្មទៅលើ 6G Network Architecture ដោយនៅក្នុងឯកសារនេះ ក៏មានការបង្ហាញអំពីការឌីស្សាញទូទៅទៅលើបណ្តាញបច្ចេកវិទ្យា 6G ផងដែរ។ បន្ថែមពីនេះ ក្រុមហ៊ុននេះ ក៏មានការបង្ហាញអំពីគំនូសព្រាងទៅលើស្ថាបត្យកម្មនេះផងដែរ។
ខណៈពេលដែលបច្ចេកវិទ្យា 5G បានដាក់អោយធ្វើពាណិជ្ចកម្មផ្លូវការហើយនៅក្នុងប្រទេសចិន ត្រឹមតែ 3 ឆ្នាំនោះ នៅពេលនេះ ចំនួនអ្នកប្រើប្រាស់ស្មាតហ្វូន 5G គឺមានជាង 400 លាននាក់។ តាមច្បាប់នៃបច្ចេកវិទ្យាទូរគមនាគមន៍នោះត្រូវអោយមានការអាប់ដេតទៅលើបច្ចេកវិទ្យារៀងរាល់ 10 ឆ្នាំម្តង ដែលនេះ មានន័យថា បច្ចេកវិទ្យា 6G អាចនឹងបង្ហាញខ្លួននៅឆ្នាំ 2030 សម្រាប់ការធ្វើពាណិជ្ជកម្មនៅលើទីផ្សារហើយ។ នៅក្នុងឯកសារ “6G Network Architecture Technology White Paper” របស់ China Mobile បង្ហាញអំពីស្ថាបត្យកម្ម cross-domain, cross-layer និង multi-dimensional 6G network architecture ។
សូមជំរាបថា ឯកសារ 6G ដំបូងបំផុតរបស់ពិភពលោក គឺបានបង្ហាញចេញកាលពី 2019 ដែលមានចំណងជើងថា “KeyDrivers and Research Challenges of Ubiquitous 6G Wireless Intelligence” នៅលើឯកសារនេះ ក៏មានការបង្ហាញជាសាធារណៈផងដែរ ហើយបច្ចេកវិទ្យា 6G នេះគឺមានល្បឿនលឿនជាងមុនដល់ទៅ 100 ដង និងអាចធ្វើការដោនឡូតវីដេអូ HD ចំនួន 10 នៅក្នុងពេលតែ 1 វិនាទីប៉ុណ្ណោះ៕
