កាលពីម្សិលមិញនេះ ក្រុមហ៊ុន POCO នៅក្នុងប្រទេសឥណ្ឌា ទើបតែចែករំលែកនូវព័ត៌មានថ្មីនៅលើបណ្តាញសង្គម Twitter របស់ខ្លួន។ នៅក្នុងការបង្ហោះនូវព័ត៌មានរបស់ស្មាតហ្វូន F3 GT ថ្មីនេះ គឺក្រុមហ៊ុននេះ នឹងមានគោលដៅសម្រាប់អ្នកគាំទ្រដែលជាអ្នកលេងហ្គេម ហើយស្មាតហ្វូនថ្មីនេះ គឺនឹងមានកម្រិតអេក្រង់ដល់ទៅ 480Hz High Touch Sampling Rate ថែមទៀតផង។

ក្រុមហ៊ុនផលិតស្មាតហ្វូនរបស់ចិននេះ បានធ្វើការចែករំលែកនូវអត្ថប្រយោជន៍ជាច្រើនអំពីកម្រិតអេក្រង់ Touch Sampling Rate ខ្ពស់នេះ។ អេក្រង់នេះ នឹងផ្តល់នូវបទពិសោធន៍នៃការលេងហ្គេមដ៏អស្ចារ្យនៅក្នុងកម្រិតអេក្រង់ 480Hz Touch Sampling Rate ហើយនេះ គឺជាការបោះជំហានយ៉ាងធំធេងបើធៀបទៅនឹងអេក្រង់កម្រិត 180Hz touch sampling rates ដែលមាននៅលើទីផ្សារនោះ។

អេក្រង់របស់ស្មាតហ្វូន POCO F3 GT នេះ គឺមានកម្រិតអេក្រង់ 120Hz Refresh Rate រួមជាមួយនឹង 10 bit AMOLED panel ដែលទ្រទ្រង់នូវកម្រិតភាពច្បាស់ HDR10+។ បន្ថែមពីនេះទៀតនោះ ស្មាតហ្វូននេះមានមុខងារជាច្រើនទៀតដែលជួយពង្រឹងទៅលើការលេងហ្គេមដូចជា Maglev Triggers ផងដែរ។ ស្មាតហ្វូននេះ នឹងបង្ហាញខ្លួនជាផ្លូវការនៅស្អែកនេះហើយ គឺនៅថ្ងៃទី 23 ខែកក្កដាឆ្នាំ 2021 នេះ៕