នៅទីបំផុត ក្រុមហ៊ុន realme បានបង្ហាញនូវថេប្លេត realme Pad ដែលប្រើប្រាស់នូវ Android ដំបូងបំផុតរបស់ខ្លួននៅក្នុងប្រទេសឥណ្ឌាជាមួយនឹងស្មាតហ្វូន realme 8s និង realme 8i ដែលទ្រទ្រង់នូវ 5G និង 4G Connectivity។ ថេប្លេត realme Pad មានថាមពលថ្មធំ អេក្រង់ធំក្នុងការប្រើប្រាស់ និងមានប្រភេទ LTE និង WiFi។ ខាងក្រោមនេះ គឺជាចំណុចមួយចំនួនដែលអ្នកអាចដឹងអំពីថេប្លេតដំបូងបំផុតរបស់ realme នេះ។
ថេប្លេត realme Pad នេះ មានអេក្រង់ LCD ទំហំ 10.4 អ៊ីង។ អេក្រង់នេះមានទំហំ 82.5% Screen-to-body ratio ជាមួយនឹងកម្រិតភាពច្បាស់ WUXGA+ ជាមួយនឹងកម្រិតភាពច្បាស់ 2000x1200px ផងដែរ។ ថេប្លេតនេះ មានបន្ទះឈីប MediaTek Helio G80 SoC និងមានរ៉េមទំហំ 6GB និងហើយនឹងមានម៉េមូរី 64GB អាចបន្ថែមនូវ microSD Card Slot ផងដែរ។ ស្មាតហ្វូននេះ មានកាមេរ៉ាមុខទំហំ 8MP Ultra-Wide សម្រាប់ Selfie, Video Call និងកាមេរ៉ាខាងក្រោយទំហំ 8MP ដែលមានការទ្រទ្រង់ជាមួយនឹងមុខងារ Autofocus ផងដែរ។
ថេប្លេត realme Pad នេះ មានថាមពលថ្មទំហំ 7100 mAh ហើយក្រុមហ៊ុន Realme បាននិយាយថា ថេប្លេតនេះ អាចទុក Standby បានដល់ទៅ 65 ថ្ងៃនិងអាចប្រើប្រាស់បានដល់ទៅ 12 ម៉ោងក្នុងការសាកថ្មម្តង។ ថេប្លេត realme Pad មានបច្ចេកវិទ្យាសាកថ្ម 18W Fast Charging ជាមួយនឹង USB Type-C charging និង 4 Speakers ផងដែរ។ realme Pad នេះ មានទម្ងន់ 440g និងកម្រាស់ 6.9mm។ realme Pad ដមានប្រព័ន្ធប្រតិបត្តិការ Android 11 ជាមួយនឹង Realme UI 2.0 ថែមទៀតផង៕