ស្ងាត់ៗ ក្រុមហ៊ុន Meizu ត្រៀមបញ្ចេញនូវផលិតផលថ្មីរបស់ខ្លួនចំនួន 30 មុខនៅថ្ងៃទី 22 ខែកញ្ញាខាងមុខនេះ

នៅថ្ងៃនេះ ក្រុមហ៊ុន Meizu Technology បានប្រកាសជាផ្លូវការណ៍ថា ខ្លួននឹងរៀបចំនូវព្រឹត្តិការណ៍មួយឈ្មោះហៅថា “Meizu Something New Product Launch Conference” នៅថ្ងៃទី 22 ខែកញ្ញានេះនៅវេលាម៉ោង 15:30 នាទី។ ក្រៅពីការបង្ហាញនូវស្មាតហ្វូន Meizu 18s, 18s Pro និង 18X flagship នេះ ក្រុមហ៊ុននេះអាចនឹងប្រកាសបង្ហាញនូវ Flyme និងផលិតផលច្រើនជាង 30 ទៀតផង។ សម្រាប់ផលិតផលទាំងនេះមានដូចជា Lipro, PANDAER និងជាច្រើនទៀត។ 

នៅពេលនេះ យើងនៅមិនទាន់អាចបញ្ជាក់ថាតើក្រុមហ៊ុននេះ នឹងបង្ហាញនូវផលិតផលថ្មីអ្វីនោះទេ។ យើងអាចដឹងថាវានឹងមានវត្តមានរបស់ស្មាតហ្វូន Meizu 18s series និង Meizu 18X ដែលនឹងប្រកាសបង្ហាញខ្លួននៅក្នុងព្រឹត្តិការណ៍នេះផងដែរ។ តាមការបញ្ជាក់នៅក្នុងរបាយការណ៍ជាច្រើន បាននិយាយថា ស្មាតហ្វូនថ្មីចំនួន 2 ម៉ូឌែលនៅក្នុងត្រកូលស្មាតហ្វូនe Meizu 18s series នឹងមានបន្ទះឈីប Qualcomm Snapdragon 888+ SoC ។ ស្មាតហ្វូន Meizu 18X នឹងប្រើប្រាស់នូវបន្ទះឈីប Snapdragon 870 SoC ។ នេះបង្ហាញថា ស្មាតហ្វូន  18X គឺមានកម្រិតទាបជាងស្មាតហ្វូន Meizu 18s series ។

នៅក្នុងបញ្ជីTENAA របស់ស្មាតហ្វូន Meizu 18s series បង្ហាញថាស្មាតហ្វូននេះនឹងមាន ៣ពណ៌សម្រាប់ធ្វើការជ្រើសរើសនោះគឺពណ៌ប្រផេះ ខៀវ និងស។ ស្មាតហ្វូន Meizu 18s នេះនឹងមានអេក្រង់ទំហំ 6.2-inch AMOLED ជាមួយនឹងកម្រិតភាពច្បាស់ 1440 x 320 ។ស្មាតហ្វូននេះមានវិមាត្រ  152.4 × 69.2 × 8.18 mm ទម្ងន់ 162g និងថាមពលថ្មទំហំ 3910 mAh។ បន្ថែមពីនេះទៀតនោះ ស្មាតហ្វូននេះមានបច្ចេកវិទ្យាសាកថ្មលឿន  36W fast charging និងកាមេរ៉ាខាងក្រោយ 3 គ្រាប់។ ស្មាតហ្វូននេះមានកាមេរ៉ាទំហំ 64MP, 16MP និង 8MP។

សម្រាប់ស្មាតហ្វូន Meizu 18s Pro វិញនឹងមានអេក្រង់ទំហំ 6.7-inch AMOLED ជាមួយនឹងកម្រិតភាពច្បាស់  1440 x 3200។ បន្ថែមពីនេះទៀតនោះ ស្មាតហ្វូននេះមានថាមពលថ្មទំហំ  4410 mAh ជាមួយនឹងបច្ចេកវិទ្យាសាកថ្មលឿន 40W fast charging ។ ស្មាតហ្វូននេះមានកាមេរ៉ាខាងក្រោយ 4 គ្រាប់ដែលមានទំហំ 50MP, 32MP, 8MP, 3MP ។ ចំណែកស្មាតហ្វូន  flagship Meizu 18X នេះមានអេក្រង់ទំហំ 6.5-inch OLED ។ ស្មាតហ្វូននេះមានថាមពលថ្មទំហំ  4200 mAh និងបច្ចេកវិទ្យាសាកថ្ម 30W fast charging ៕