បន្ទាប់ពីមានការប្រកាសចេញនូវស្មាតហ្វូន iPhone 13 Series រួចហើយនោះ នៅពេលនេះ មានការវាស់ទៅលើកម្លាំងរបស់បន្ទះឈីប Bionic A15 ជាមួយនឹងបន្ទះឈីបថ្មីរបស់ខ្លួនដែលមានឈ្មោះហៅថា “Snapdragon 898” ដែលជាឈីបម៉ូដែល Flagship SoC របស់ក្រុមហ៊ុន Qualcomm ហើយ។ បើតាមព័ត៌មានថ្មីបំផុតនេះ គឺមានការបង្ហាញអំពីការដំណើរការរបស់ GPU នៅលើបន្ទះឈីប Snapdragon 898 នៅលើ GFXBench រួចហើយ។
នៅក្នុងបញ្ជីខាងលើនេះ គឺបានបង្ហាញថា ពិន្ទុនៅលើ GPU ឈីបថ្មី “Snapdragon 898” របស់ Qualcomm នេះគឺមានពិន្ទុ 158.4FPS នៅក្នុង Manhattan 3.1 scene និង 112.7FPS នៅក្នុង Aztec ruins (Normal) ហើយនិង 43.1FPS នៅក្នុង Aztec ruins (High)។ បើមើលទៅលើលទ្ធផល GPU នៅលើបន្ទះឈីប Snapdragon 898 នេះ ប្រហែលជាមិនទាន់ខ្លាំងក្លាដូចទៅនឹងបន្ទះឈីប Apple A15 និង Samsung Exynos 2200 នៅឡើយទេ។
បើសិនជាក្រឡេកមើលទៅលើបន្ទះឈីប Apple A14 ដែលបាននឹងកំពុងតែប្រើប្រាស់នៅលើផលិតផល Apple ជាច្រើននាពេលបច្ចុប្បន្ននេះ គឺមានកម្រិត 137FPS ទៅហើយ ខណៈពេលដែលបន្ទះឈីប Snapdragon 888 គឺមានពិន្ទុ 117FPS ប៉ុណ្ណោះ។ នៅក្នុងការតេស្ត Aztec Ruins (Normal) បានបង្ហាញដែរថា បន្ទះឈីប Snapdragon 898 គឺខ្ពស់ជាងបន្ទះឈីប Bionic A14 ត្រឹមតែ 15% ហើយធៀបជាមួយនិងបន្ទះឈីប Snapdragon 888 គឺមានចំនួន 35%។
ហើយបើយើងមើលទៅលើលទ្ធផលដែលបានធ្វើតេស្តនៅលើ GFXBench នោះ ក៏បានបង្ហាញដែរថា សម្រាប់ Frame Rate នៅលើ Manhattan 3.1 នៃបន្ទះឈីប Exynos 2200 GPU គឺមានចំនួន 170.7 fps ។ បន្ថែមពីនេះទៀតនៅក្នុងការតេស្តនៅលើ Aztec Ruins បង្ហាញថា Exynos 2200 គឺខ្ពស់ជាងបន្ទះឈីប Bionic A14 ទៅទៀត។ នេះ មានន័យថា បន្ទះឈីបនេះ គឺមាន GPU ដែលអាចប្រៀបធៀបជាមួយនឹងបន្ទះឈីប Bionic A15 និង Snapdragon 898 បាន៕