បន្ទះឈីបហើយនិងថាមពលថ្មដែលបំពាក់លើស្មាតហ្វូន realme GT Neo2 ត្រូវបានគេទម្លាយចេញហើយ

យោងតាមព័ត៌មានថ្មីដែលបានបញ្ចេញនាពេលប៉ុន្មាននៅថ្ងៃនេះ គឺមានការបញ្ជាក់ថា ស្មាតហ្វូន realme GT Neo2 នឹងបង្ហាញវត្តមានជាផ្លូវការណ៍នៅថ្ងៃទី 22 ខែកញ្ញាខាងមុខនេះហើយ ដោយស្មាតហ្វូន ត្រូវបានគេទម្លាយថា គឺនឹងបំពាក់មកជាមួយនូវបន្ទះឈីប Snapdragon 870 SoC រួមជាមួួនឹងថាមពលថ្មទំហំ 5,000mAh ដែលមានការទ្រទ្រង់ជាមួយនឹងបច្ចេកវិទ្យាសាកលឿនកម្លាំង 65W Fast Charging ថែមទៀតផង។ 

នៅថ្ងៃនេះ មានបញ្ជាក់ការពិតហើយ ដោយក្រុមហ៊ុន realme បានបង្ហាញចេញនូវរូបភាពថ្មីចំនួនពីរសន្លឹកនៅ weibo ដោយមានភ្ជាប់ជាមួយនឹងសារមួយចំនួនផងដែរស្តីពីការមកដល់របស់ជំនាន់ថ្មីនៃស្រឡាយ GT ដ៏ថ្មីសន្លាងមួយនេះ។ សម្រាប់ថាមពលដែលទំហំ 5000mAh នៅលើស្មាតហ្វូន GT Neo2 នេះ គឺនឹងក្លាយជាថាមពលធំជាងគេនៅក្នុងចំណោមបងប្អូន GT lineup ទាំងអស់ដែលមានវត្តមាននាពេលខកន្លងមក។ ក្រុមហ៊ុន realme បាននិយាយថា សម្រាប់ការសាកពេញ 100% សម្រាប់ស្មាតហ្វូននេះ ជាមួយនឹងបច្ចេកវិទ្យា សាក 65W charging.គឺប្រើពេលត្រឹមតែ 36 នាទីប៉ុណ្ណោះ។

បើមើលទៅលើរូបភាពដែលក្រុមហ៊ុនបានចែកចាយនោះ គឺមានរូបភាពដែលបង្ហាញពីផ្ទៃខាងមុខរបស់ស្មាតហ្វូននេះ។ អេក្រង់របស់ GT Neo2 គឺនឹងមានការរចនាជាមួយ Punch Hole Display ដែលគេជឿថា នឹងទ្រទ្រង់នូវល្បឿន 120Hz Refresh Rate។ សម្រាប់ផ្នែកខាងក្រោយវិញ ស្មាតហ្វូននេះ គឺមានតម្លើងមកជាមួយនូវកាមេរ៉ាចំនួន 3 គ្រាប់អមមកនូវ Flash ចំនួនពីរគ្រាប់ ខណៈដែលកាមេរ៉ាគោលគឺមានទំហំ 64MP Sensor។ ប្រភពដដែលនេះ បានបន្តថា នៅក្នុងចំណោមពណ៍ដែលប្រើប្រាស់នៅ GT Neo2 នេះ គឺមានមួយប្រើប្រាស់នូវពណ៌ Black Mint ដែលក្រុមហ៊ុននេះ បានទម្លាយចេញកាលពីម្សិលមិញនេះ។ បន្ថែមពីនេះ ក៏មានការបញ្ជាក់ថា កញ្ចក់ផ្នែកខាងក្រោយរបស់ស្មាតហ្វូននេះ គឺប្រើប្រាស់នូវកញ្ចញ AG Glass ផងដែរ។ 

សូមជំរាបថា ក្រុមហ៊ុន realme នៅមិនទាន់បានបញ្ចេញនូវលក្ខណៈសម្បត្តិទូទៅរបស់ស្មាតហ្វូន GT Neo2 នេះនៅឡើយទេ ប៉ុន្តែបើយោងតាមការទម្លាយព័ត៌មាននៅលើ TENAA និង Geekbench កាលពីខែមុននេះ គឺបានបង្ហាញថា ស្មាតហ្វូន GT Neo2 នេះ មានអេក្រង់ទំហំ 6.62 អ៊ីង FullHD+ AMOLED screen និងដំណើរការលើប្រព័ន្ធប្រតិបត្តិការណ៍ Android 11 ព្រមទាំងមានបំពាក់នូវរ៉េមចំនួន 3 ជំម្រើស គឺមានទំហំ 6GB-8GB និង 12GB ហើយនិងមានមេម៉ូរីទំហំ  128GB-256GB និង 512GB។ ស្មាតហ្វូននេះប្រើប្រាស់នូវប្រព័ន្ធស្កែនក្រយ៉ៅដៃក្រោមអេក្រង់។ 

បិនិយាយពីការថតរូប និងវីដេអូ ស្មាតហ្វូននេះ បំពាក់នូវកាមេរ៉ាមុខទំហំ 16MP Sensor និងមានកាមេរ៉ាក្រោយទំហំ 64MP+8MP Ultra-Wide និង 2MP Macro។