នៅថ្ងៃនេះ មានការទម្លាយព័ត៌មានថា Redmi ដែលជាក្រុមហ៊ុនបុត្រសម័ន្ធរបស់ក្រុមហ៊ុន Xiaomi បាននឹងកំពុងតែធ្វើការនៅលើស្មាតហ្វូនម៉ូដែលថ្មីរបស់ Redmi K50 Series ហើយ ដែលស្មាតហ្វូនជំនាន់ថ្មីនេះ គឺនឹងមានចំនួន 3 ម៉ូដែលផ្សេងៗគ្នា ក្នុងមានដូចជា Redmi K50, Redmi K50 Pro និង Redmi K50 Pro+។ នៅពេលនេះ អ្នកទម្លាយព័ត៌មានដែលមានប្រភពពីប្រទេសចិន ក៏បានបញ្ចេញនូវព័ត៌មាន និងលក្ខណៈសម្បត្តិថ្មីៗរបស់ Pro+ ផងដែរ។
យោងតាមការបញ្ជាក់របស់អ្នកទម្លាយរូបនេះ បានអោយដឹងថា ស្មាតហ្វូន Redmi K50 Pro+ និងមានការឌីស្សាញនូវរន្ធ punch-hole នៅខាងលើចំកណ្តាលនៃអេក្រង់តែម្តង។ ជាមួយនឹងកញ្ចក់អេក្រង់ប្រភេទ AMOLED នេះ ក្រុមហ៊ុនក៏នឹងមានតម្លើងនូវប្រព័ន្ធស្កែនក្រយ៉ៅដៃនៅក្រោមអេក្រង់ផងដែរ ហើយស្មាតហ្វូន Redmi K50 Pro+ ក៏ដូចជា K40 Pro+ អញ្ចឹងដែរ ដោយអេក្រង់របស់ស្មាតហ្វូននេះ ក៏នឹងមានទ្រទ្រង់ជាមួយនឹងល្បឿន 120Hz refresh rate ដូចគ្នា។
ស្មាតហ្វូន K50 Pro+ ថ្មីនេះ ត្រូវបានគេដឹងថា នឹងដំណើរការជាមួយនឹងឈីប Snapdragon 898 ហើយអាចនឹងមានវេចខ្ចប់មកជាមួយថាមពលថ្មទំហំ 5000mAh ខណៈដែលការទម្លាយកន្លងមកគឺបាននិយាយថា ថាមពលថ្មនេះ គឺអាចនឹងទ្រទ្រង់ជាមួយនឹងបច្ចេកវិទ្យាសាកកម្លាំង 67W rapid charging។ ស្មាតហ្វូន K50 Pro+ មានកាមេរ៉ាក្រោយទំហំ 108-Megapixel Primary Camera ដែលមានការគាំទ្រដោយមុខងារ Periscope zoom lens ទៀតផង។ ស្មាតហ្វូននេះនឹងមានកាមេរ៉ា 3 គ្រាប់។ Redmi K50 Lineup ត្រូវបានគេរំពឹងថា អាចនឹងបង្ហាញវត្តមាននៅចិន នាខែកុម្ភៈឆ្នាំ 2022។
ប្រភពដដែលនេះ បានបន្ថែមថា Redmi K50 ប្រហែលជាប្រើប្រាស់នូវឈីប Snapdragon 888 SoC, ខណៈដែល K50 Pro នឹងប្រើប្រាស់នូវឈីប Snapdragon 898 SoC ហើយស្មាតហ្វូននេះ អាចនឹងបង្ហាញវត្តមាននៅឆ្នាំក្រោយ ស្របពេលដែលពាក្យចចាមអារ៉ាមនិយាយថា ព័ត៌មានថ្មីរបស់ស្មាតហ្វូននេះ នឹងមានកាន់តែច្រើនទៀតនៅប៉ុន្មានថ្ងៃខាងមុខ។