ថ្មីៗនេះ ក្រុមហ៊ុន Samsung ទើបតែប្រកាសចេញជាផ្លូវការណ៍នូវស្មាតហ្វូន Flagship ដែលអាចបត់បានរបស់ខ្លួននោះ គឺស្មាតហ្វូន Samsung Galaxy W22 5G ដែលវានឹងបង្ហាញខ្លួននៅក្នុង Hangzhou Grand Theater នៅថ្ងៃទី 13 ខែតុលានេះនៅវេលាម៉ោង 19:00 ។ ស្មាតហ្វូន “Heart of the World” W series របស់ក្រុមហ៊ុន Samsung នេះគឺជាស្មាតហ្វូនប្រភេទ High-End Flagship ជាងស្មាតហ្វូនត្រកូល S series និង Note series ។
ស្មាតហ្វូន “Heart of the World” series នេះ បង្កើតឡើងក្រោមកិច្ចសហការរបស់ក្រុមហ៊ុន Samsung និង China Telecom ។ នៅផ្នែកខាងក្រោយរបស់ស្មាតហ្វូននេះគឺមានឡូហ្គោ “Heart of the World” ហើយស្មាតហ្វូននេះក៏មានតម្លៃថ្លៃជាងស្មាតហ្វូន iPhone 13 Pro Max ផងដែរ។
ចាប់ផ្តើមពីវត្តមានរបស់ស្មាតហ្វូន Samsung Galaxy W20 នោះ ស្មាតហ្វូន W Series របស់ក្រុមហ៊ុន Samsung នេះគឺមានរូបរាងដែលអាចបត់បាន។ សម្រាប់ពេលនេះ ស្មាតហ្វូន Samsung Galaxy W22 5G គឺមានរូបរាងខុសគ្នាបន្តិចពីស្មាតហ្វូន Samsung Z Fold3 ។ ស្មាតហ្វននេះមានអេក្រង់ 7.6-inch ហើយវាមានគែមពណ៌ទឹកប្រាក់ប្រផេះ។
ស្មាតហ្វូនដែលអាចបត់បាននេះនឹងមានបន្ទះឈីប Qualcomm Snapdragon 888 SoC និងមានរ៉េមទំហំ 16GB និងម៉េមូរីទំហំ 512GB ។ ស្មាតហ្វូន W series ជាធម្មតាមានតម្លៃខ្ពស់ជាងស្មាតហ្វូន Z Series ដល់ទៅ 50% ។ តម្លៃរបស់ស្មាតហ្វូន Galaxy Z Fold3 គឺ 15,000 yuan ($2,328) (12GB/512GB)។ សម្រាប់ស្មាតហ្វូន Samsung Galaxy W22 5G គឺមានតម្លៃ 20,000 yuan ($3,104) ខណៈពេលដែលស្មាតហ្វូន Samsung Galaxy W21 នេះគឺមានតម្លៃ 19,999 yuan ($3,104) ។ នៅមិនទាន់មានការបញ្ជាក់អំពីតម្លៃផ្លូវការរបស់ស្មាតហ្វូននេះទេ៕
