កាលពីខែមិថុនាកន្លងទៅនេះ ក្រុមហ៊ុន Honor បានប្រកាសចេញនូវស្មាតហ្វូន Honor X20 SE ហើយមួយខែបន្ទាប់ទៀតគឺនៅក្នុងខែសីហា ក្រុមហ៊ុននេះ ក៏បានបង្ហាញចេញនូវស្មាតហ្វូនថ្មីមួយទៀតគឺ Honor X20 5G។ ហើយនៅក្នុងខែតុលានេះ មានដំណឹងថ្មីថា ក្រុមហ៊ុនស្មាតហ្វូនចិនដែលកំពុងតែមានសន្ទុះខ្លាំងមួយនេះ គ្រោងនឹងបញ្ចេញនូវស្មាតហ្វូនត្រកូល X20 series ថ្មីទៀតហើយគឺ Honor X20 Max។ ប៉ុន្តែបើតាមព័ត៌មានចុងក្រោយនេះ គឺបាននិយាយថា ស្មាតហ្វូន X-series គឺមិនប្រើប្រាស់ឈ្មោះ X20 Max នោះទេ។ ស្ថាប័ន Digital Chat Station បានបញ្ជាក់ថា ក្រុមហ៊ុននឹងដាក់ឈ្មោះស្មាតហ្វូននេះថា គឺ Honor X30 Max។
អ្នកទម្លាយរូបនេះ បាននិយាយទៀតថា Honor X30 Max ប្រហែលជានឹងបង្ហាញវត្តមាននៅមុនថ្ងៃលក់បញ្ចុះតម្លៃនៅប្រទេសចិន ដែលតែងតែធ្វើឡើងនៅថ្ងៃទី 11 ខែ 11 ជារៀងរាល់ឆ្នាំ កម្មវិធិនេះគឺមានឈ្មោះថា shopping festival។ ប្រភពដដែលបន្ថែមថា ស្មាតហ្វូននេះ នឹងមានអេក្រង់ទំហំធដល់ទៅ 7 អ៊ីង និងមានបំពាក់នូវបច្ចេកវិទ្យាសម្លេងគុណភាពខ្ពស់។ អ្វីដែលសោកស្តាយនោះ គឺអ្នកទម្លាយរូបនេះ មិនបានបង្ហាញនូវព័ត៌មានច្បាស់សម្រាប់ស្មាតហ្វូននេះទេ។
បើតាមការផុសនៅលើ Weibo គឺបង្ហាញថា ស្មាតហ្វូននេះមានលេខម៉ូដែល KKG-AN70 ដែលមានការទទួលស្គាល់ពីស្ថាប័នវាយតម្លៃរបស់ចិនរួចហើយ ក្នុងនោះក៏បាននិយាយពីផ្នែកខាងក្រោយនៃស្មាតហ្វូន Honor X30 Max នេះដែរ។ ស្ថាប័ន 3C បានបង្ហាញថា ស្មាតហ្វូននេះនឹងមានកម្លាំងសាក 22.5W fast charger ផងដែរ ស្របពេលដែលលេខម៉ូដែលនេះ KKG-AN70 ក៏បានឆ្លងកាត់ការវាយតម្លៃពីស្ថាប័ន CMIIT កាលពីសប្តាហ៍មុននេះដែរ។
មានការជឿជាក់ថា លេខកូដម៉ូដែល “KKG” នេះគឺតំណាងអោយឈ្មោះពេញថា King Kong ដែលកន្លងមកមានការបញ្ជាក់ថា ស្មាតហ្វូននេះ គឺនឹងប្រើប្រាស់បន្ទះឈីប Dimensity 1100 និងមានថ្មទំហំ 6,000mAh។ សម្រាប់ការថតរូប ស្មាតហ្វូននេះមានកាមេរ៉ាគោលទំហំ 64-megapixel (main) + 2-megapixel (macro) + 2-megapixel (depth) triple camera unit។ សម្រាប់ព័ត៌មានផ្សេងទៀត គឺមិនមានការាបញ្ជាក់នោះទេ។ សូមជំរាបថា កាលពីសីហាកន្លងទៅ ក្រុមហ៊ុន Honor ក៏មានការប្រកាសចេញនូវនាឡិកា Honor Watch GS 3 smartwatch នៅក្នុងប្រទេសចិនផងដែរ។ ដូច្នេះបើតាមរបាយការណ៍ថ្មីៗនេះ មានការសន្មត់ថា ក្រុមហ៊ុននេះ នឹងចេកញលក់នាឡិកានេះ នៅក្នុងព្រឹត្តិការណ៍ X30 Max នេះជាក់ជាមិនខាន។
