AMD ប្រកាសចេញ Desktop Graphic Card កម្រិតបង្គួរស៊េរីថ្មីម៉ូដែល Radeon 6600 ដែលមានតម្លៃខ្ទង់ $329

ក្រុមហ៊ុន AMD ថ្ងៃបានប្រកាសចេញ Desktop Graphic Card  ស៊េរីថ្មីម៉ូដែល Radeon 6600 ដែលជា Graphic កម្រិតបង្គួរដែលប្រើនូវប្រព័ន្ធ RDNA2 សម្រាប់ម៉ាស៊ីនកុំព្យូទ័រលើតុ (Desktop PC)។ បន្ទះ Graphic Card ស៊េរីថ្មីនេះត្រូវបាន AMD កំនត់តម្លៃខ្ទង់ $329 ដែលជាតម្លៃប្រគូតប្រជែងខ្ពស់ជាមួយ RTX3060 របស់ Nvidia ដែលប្រើបច្ចេកវិទ្យា SMRP ដូចគ្នា។

AMD Radeon 6600 ប្រើប្រាស់នូវអង្គ GPU កម្រិត 28-core ឬ 28 Compute Units ទាបជាងម៉ូដែល Radeon 6600 XT ដែលមាន 32-Core ឬ 32 Compute Units។ សម្រាប់ល្បឿនដំណើរការវិញ Radeon 6600 ក៏រាងទាបជាងស៊េរី 6600XT ផងដែរដោយវាមានល្បឿនត្រឹម 2491MHz សម្រាប់ល្បឿន Boost Clock និង 2044MHz សម្រាប់ល្បឿន Gaming Clock។ ជាមួយគ្នានេះ Radeon 6600 មានល្បឿនដំណើរការ peak single precision ត្រឹមកម្រិត 8.93 TFLOPs បើធៀបនឹង  6600XT ដែលមានល្បឿន 10.6 TFLOPs។

ទោះជាយ៉ាងណាបន្ទះ Graphic Card ទាំងពីរស៊េរីខាងលើនេះ គឺមានភ្ជាប់ដោយរ៉េមទំហំ 6GB-GDDR6 ដូចគ្នា ប៉ុន្តែនៅលើ Radeon 6600 គឺអាចដំណើរការបានក្នុងល្បឿនខ្ពស់បំផុតត្រឹម 14Gbps ជាមួយកម្រិតល្បឿន Bandwidth  224GB/s ខណៈ 6600XT អាចធ្វើបានដល់ 16Gpbs ជាមួយល្បឿន Bandwidth 256GB/s។ ហើយ Graphic Card ទាំងពីរនេះ គឺប្រើប្រព័ន្ធល្បឿន 32MB-Cache ដូចគ្នា។ នៅលើ Radeon 6600 ស៊េរីថ្មីនេះ បានប្រើនូវប្រព័ន្ធភ្ជាប់ដំណើរការត្រឹម PCIe 4.0 x8 មិនដល់ PCIe 4.0 x16 ដូចនៅលើ Radeon Graphic Card ស៊េរីខ្ពស់របស់ AMD ដទៃឡើយ។ ហើយកំលាំងភ្លើងដែល Radeon 6600 អាចគាំទ្របាន គឺត្រឹម 132W ប៉ុណ្ណោះ មិនដល់ 160W ដូចស៊េរី 6600XT  ឡើយ។

AMD បានបញ្ជាក់ថា Graphic Card ស៊េរីថ្មីរបស់ខ្លួននេះអាចប្រើបានជាមួយ Desktop Mainboard របស់ក្រុមហ៊ុនដៃគូដូចជា ASRock, ASUS, Gigabyte, MSI, PowerColor, SAPPHIRE, XFX និងYeston។ ក្រុមហ៊ុនបានប្រកាសដាក់លក់ Radeon 6600 ចាប់ពីថ្ងៃនេះទៅតែម្តង៕