ZTE Axon 30 Ultra Aerospace Edition ដែលមានរ៉េមទំហំ 18GB ម៉េមូរីទំហំ 1TB បង្ហាញខ្លួនជាផ្លូវការណណ៍ហើយ មានតម្លៃខ្ទង់ $1095

នៅថ្ងៃនេះ ក្រុមហ៊ុន ZTE បានប្រកាសជាផ្លូវការណ៍នូវ ZTE Axon 30 Ultra Aerospace Edition ដែលជាស្មាតហ្វូនជំនាន់ថ្មីរបស់ខ្លួនហើយ។ ព្រឹត្តិការណ៍សម្ពោធនេះក៏នឹងមានការបង្ហាញនូវផលិតផលជាច្រើនដូចជា ZTE Voyage 20 Pro, routers និងកាសស្តាប់ ZTE LiveBuds Pro ផងដែរ។ បើតាមការបញ្ជាក់របស់ក្រុមហ៊ុននេះ គឺបានអោយដឹយថា ស្មាតហ្វូន ZTE Axon 30 Ultra Aerospace Edition គឺមានបំពាក់មកជាមួយរ៉េមទំហំ 18GB។

សម្រាប់ការប្រកាសចេញស្មាតហ្វូន ZTE Axon 30 Ultra Aerospace Edition នៅពេលនេះ គឺបានបង្ហាញខ្លួនជាមួយនឹងរ៉េម ទំហំ 18GB និងម៉េមូរីទំហំ 1TB ហើយស្មាតហ្វូននេះ គឺប្រើប្រាស់នូវ Space Theme ដែលបង្ហាញអំពីពណ៌យ៉ាងទាក់ទាញជាមួយនឹងការវេចខ្ចប់ជាប្រភេទ Planet-Theme ផងដែរ។ សម្រាប់កាសស្តាប់  ZTE LiveBuds Pro Bluetooth គឺមានតម្លៃប្រហែលជា 55$ ។

ស្មាតហ្វូន ZTE Axon 30 Ultra Aerospace Edition ដំណើរការលើបន្ទះឈីប  Snapdragon 888 និងអេក្រង់ FHD+ ទំហំ 6.67 អ៊ីង ជាប្រភេទកញ្ចក់ AMOLED ដែលមានគែមកោងជាមួយនឹងកម្រិតភាពច្បាស់ HDR 10+ និងមានល្បឿន 144Hz refresh rate ថែមទៀតផង។ ស្មាតហ្វូននេះ មានកាមេរ៉ាខាងក្រោយទំហំ 64MP។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 16MP។ ស្មាតហ្វូននេះ មានថាមពលថ្មទំហំ 4600mAh ជាមួយនឹងបច្ចេកវិទ្យា 66W fast charging ។ ស្មាតហ្វូន ZTE Axon 30 Ultra Aerospace Edition នេះមានតម្លៃ 6,998 Yuan (~$1,095) ៕