ក្រុមហ៊ុន realme ត្រូវបានគេព្យាករណ៍ថា នឹងប្រកាសចេញនូវស្មាតហ្វូន realme GT 2 Pro ដែលជាស្មាតហ្វូន Flagship ជំនាន់ថ្មីស៊េរីថ្មីរបស់ខ្លួននៅដើមឆ្នាំ 2022 ខាងមុខនេះហើយ។ យោងតាមរបាយការណ៍ដែលទើបនឹងចេញថ្ងៃនេះ បានបង្ហាញថា ស្មាតហ្វូននេះ នឹងប្រាស់នូវលេខកូដម៉ូដែល RMX3301 ហើយស្មាតហ្វូនត្រូវបានគេដឹងថា គឺជាស្មាតហ្វូនដំបូងរបស់បំផុតដែលក្រុមហ៊ុន realme នឹងបំពាក់ជាមួយឈីប Snapdragon 8 Gen 1។
នៅពេលនេះ បើតាមការទម្លាយចេញពីស្ថាប័ន Digital Chat Station គឺបានចែករំលែកនូវរូបភាពថ្មីមួយ ដោយបញ្ជាក់ថា មានស្មាតហ្វូន realme ថ្មីមួយបានបង្ហាញខ្លួននៅលើស្ថាប័ន AnTuTu ជាមួយនឹងលេខកូដ RMX3300។ អ្នកទម្លាយរូបនេះ បានបន្ថែមថា ស្មាតហ្វូនថ្មីនេះ គឺនឹងដំណើរជាមួយនឹងឈីប Snapdragon 8 Gen 1 ដែលគេដឹងថា នេះគឺជា realme GT 2 Pro ព្រោះថា ស្មាតហ្វូនដែលមានលេខកូដ RMX3301 ហើយនិង RMX3300 គឺជាលេខម៉ូដែលតែមួយសម្រាប់ស្មាតហ្វូនដែលត្រូវប្រកាសចេញនោះ។ អ្វីដែលចាប់អារម្មណ៍នៅលើតារាង AnTuTu នេះ គឺមានការបង្ហាញថា នេះគឺជាស្មាតហ្វូនដំបូងដែលទទួលបាននូវពិន្ទុ 1 Million Plus Score សម្រាប់ការ benchmarking site មួយនេះ។ លោកអ្នកអាចមើលឃើញហើយ គឺស្មាតហ្វូន realme GT 2 Pro ពិតជាទទូលបានពិន្ទុ 1,025,215 នៅលើ AnTuTu ពិតមែន។
សូមជំរាបថា ស្មាតហ្វូន Xiaomi 12 និង Moto Edge X ក៏នឹងក្លាយជាស្មាតហ្វូនដែលនឹងប្រើប្រាស់នូសបន្ទះឈីឈីប Snapdragon 8 Gen 1 នេះដែរ ហើយស្មាតហ្វូននេះក៏នឹងបង្ហាញវត្តមាននៅចិនដូចគ្នានៅខែក្រោយនេះ។ ប៉ុន្តែស្មាតហ្វូនទាំងពីរនេះ នៅមិនទាន់ត្រូវបានបង្ហាញវត្តមាននៅលើស្ថាប័ន AnTuTu scores នៅឡើយទេ។ ជាមួយនឹងការបង្ហាញវត្តមាន GT 2 Pro នៅលើដស្ថាប័ន AnTuTu នេះ គឺបានឆ្លុះបញ្ចាំងយ៉ាងច្បាស់ថា ស្មាតហ្វូននេះ គឺពិតជាមានសមត្ថភាពខ្ពស់តាមរយៈនៃការប្រើប្រាស់នូវឈីប next flagship របស់ Qualcomm មួយនេះ។
គួរបញ្ជាក់របាយការណ៍ចុងក្រោយ មានការបញ្ជាក់ថា បន្ទះឈីបនេះ គឺជាប្រភេទឈីប 4nm ដែលមានល្បឿន 3.0GHz ARM-Cortex-X2 prime core និងមួយទៀតមានល្បឿមន 3 2.5GHz ARM Cortex-A710 ហើយបួនគ្រាប់ទៀល្បឿន 1.79GHz ARM Cortex-A510 efficiency cores។ ឈីបនេះត្រូវបានគេដឹងថា នឹងមានការវេចខ្ចប់ជាមួយនឹងក្រាហ្វិកាត Adreno 730 ហើយនិងម៉ូឌឹម Snapdragon X65 5G modem ថែមទៀតផង។