លោក Mark Gurman ដែលជាអ្នកបញ្ចេញព័ត៌មានសម្រាប់ស្ថាប័ន Bloomberg បានបញ្ជាក់ថា បច្ចុប្បន្ននេះ គ្រប់គ្នាដែល ប្រើប្រាស់នូវកុំព្យូទ័ MacBook Pro គឺសុទ្ធតែប្រើប្រាស់នូវបន្ទះឈីបថ្មី M1 Max ទាំងអស់ ដែលកម្លាំងម៉ាស៊ីននៃបន្ទះឈីបនេះ មាននៅលើកុំព្យូទ័រ 16-inch ដែកពិតជាមានសមត្ថភាពអស្ចារ្យខ្លាំងណាស់ ប៉ុន្តែស្របពេលមានថាមពលបែបនេះ ក៏មានបញ្ហាមួយសម្រាប់កុំព្យូទ័រនេះ គឺទៅលើបញ្ហា application ecosystem របស់វា។
Mac App Store របស់ក្រុមហ៊ុន Apple គឺមានការដំណើរការទៅមុខនៅក្នងរយៈពេលប៉ុន្មានឆ្នាំនេះ ប៉ុន្តែនៅមិនទាន់អាចដំណើរការល្អនៅឡើយទេ។ នៅក្នុងពេលបច្ចុប្បន្ននេះ ក្រុមហ៊ុន Apple និងក្រុមហ៊ុនភាគីទី 3 បានផ្តល់នូវវិធីជាច្រើនក្នុងការអភិវឌ្ឍទៅលើកម្មវិធី Mac Application នេះ។ ក្រុមហ៊ុននេះ ក៏បានបង្កើតនូវសហគមន៍អ្នកអភិវឌ្ឍកម្មវិធីជាច្រើនផងដែរ។ បន្ថែមពីនេះទៀតនោះ ក្រុមហ៊ុន Apple មុននេះ ក៏មានប្រកាសចេញនូវយុទ្ធសាស្រ្តអភិវឌ្ឍ cross-platform application ដែលអនុញ្ញាតអោយអ្នកអភិវឌ្ឍកម្មវិធីអាចធ្វើការ optimize ទៅលើកម្មវិធី iPad សម្រាប់ការប្រើប្រាស់នៅលើ iMa ឬការអនុញ្ញាតអោយកម្មវិធី iPhone Application អាចដំណើរការបាននៅលើ Desktops ។
បើនិយាយអំពី Apple MacBook Pro (M1 Version) គឺកម្លាំងម៉ាស៊ីនលឿន ថាមពលថ្មខ្លាំងក្លា និងការ upgrade ជាច្រើន។ យ៉ាងណាមិញ វាក៏មានបញ្ហាមួយចំនួនជាមួយនឹងកុំព្យូទ័រ Apple M1 MacBooks នេះផងដែរ។ សម្រាប់ MacBook នេះពេលខ្លះ ក៏មានបញ្ហាទៅលើ restarts, freezes និង crashes ដោយសារតែបញ្ហាទៅលើម៉េមូរី។ ម៉ាស៊ីននេះតែងតែមានបញ្ហាកើតឡើង នៅពេលដែលអ្នកប្រើប្រាស់តម្លើងកម្មវិធី App មួយចំនួន៕
