កាលពីខែមីនាកន្លងទៅនេះ ក្រុមហ៊ុន OPPO បានបង្ហាញនូវស្មាតហ្វូន Find X3 និង Find X3 Pro ដែលជាម៉ូដែល Flagship របស់ខ្លួន មានលក្ខណៈសម្បត្តិស្ទើរតែដូចគ្នាទាំងស្រុង ខុសតែមួយគឺការប្រើប្រាស់នូវបន្ទះឈីប Snapdragon 870 និង Snapdragon 888។ នៅពេលននេះ មានដំណឹងថា ក្រុមហ៊ុនផលិតស្មាតហ្វូនរបស់ចិននេះ ក៏ធ្វើការនៅលើស្មាតហ្វូន Find X4 និង Find X4 Pro ដែលអាចនឹងបង្ហាញខ្លួននៅក្នុងត្រីមាសទី 1 ឆ្នាំ 2022 ខាងមុខនេះ។
នៅថ្ងៃនេះ អ្នកទម្លាយព័ត៌មាន Digital Chat Station ក៏បានបង្ហាញអំពីព័ត៌មានលម្អិតរបស់ស្មាតហ្វូន Find X4 Pro នេះផងដែរ។ កាលពីសប្តាហ៍មុននេះ ក្រុមហ៊ុនទមា្លយរបស់ចិននេះអះអាងថា ស្មាតហ្វូន Find series ជំនាន់ថ្មីនេះនឹងមានបច្ចេកវិទ្យាសាកថ្មលឿន 80W fast charging ។ ពេលនេះ អ្នកទម្លាយនេះក៏បង្ហាញអំពីលក្ខណៈសម្បត្តិរបស់ស្មាតហ្វូននេះ។ ស្មាតហ្វូនFind X4 / X4 Pro នេះមានអេក្រង់ 6.7-inch ជាមួយនឹងកម្រិតភាពច្បាស់ 2K និង 120Hz refresh rate ។
ស្មាតហ្វូននេះមានបន្ទះឈីប sm 8450 ដែលគេដឹងថា គឺជាបន្ទះឈីប Snapdragon 8 Gen1 mobile platform ដែលក្រុមហ៊ុននេះ គ្រោងនឹងបង្ហាញខ្លួនជាផ្លូវការនៅចុងខែវិច្ឆិកានេះ។ ស្មាតហ្វូននេះ នឹងមានកាមេរ៉ាខាងមុខទំហំ 32-megapixel និងកាមេរ៉ាខាងក្រោយទំហំ 50-megapixel (1/1.5-inch) lens, 50-megapixel (1/1.5-inch) lens និង 13-megapixel (ឬ12-megapixel) ជាមួយនឹងមុខងារ 2x zoom ។ស្មាតហ្វូន Find X4 / X4 Pro នេះនឹងមានរ៉េមទំហំ 12GB ។ ស្មាតហ្វូននេះនឹងមានបច្ចេកវិទ្យា 80W+ charging ផងដែរ៕
