កាលពីប៉ុន្មានឆ្នាំមុននេះ ក្រុមហ៊ុន Huawei គឺជាដៃគូប្រកួតប្រជែងធំបំផុតរបស់ក្រុមហ៊ុន Samsung។ ក្រុមហ៊ុនបច្ចេកវិទ្យាយក្សរបស់ចិននេះ ក៏ធ្លាប់បានឈរនៅចំណាត់ថ្នាក់កំពូលនៃការលក់ស្មាតហ្វូននៅទូទាំងពិភពលោកនៅក្នុងរយៈពេលខ្លីផងដែរ។ យ៉ាងណាមិញ អាជីវកម្មរបស់ក្រុមហ៊ុននេះ ក៏រងគ្រោះបន្ទាប់ពីសហរដ្ឋអាមេរិក បានធ្វើការហាមប្រាមការលក់ស្មាតហ្វូនរបស់ក្រុមហ៊ុន Huawei នៅក្នុងសហរដ្ឋអាមេរិក ហើយបន្ទាប់មកបញ្ឈប់ការប្រើប្រាស់នូវឧបករណ៍បណ្តាញ (network) ថែមទៀត។
ក្រុមហ៊ុននេះ ក៏ធ្វើការរឹតបន្តឹងទៅលើក្រុមហ៊ុននេះតាមរយៈការរារាំងការទទួលយកនូវឧបករណ៍សំខាន់សម្រាប់អាជីវកម្មស្មាតហ្វូនរបស់ខ្លួន។ កាលពីប៉ុន្មានថ្ងៃមុននេះ ក្រុមហ៊ុន Huawei បានប្រកាសអំពីការលក់នៅក្នុងត្រីមាសទី 4 ឆ្នាំ 2022 នេះដែលមានទឹកប្រាក់ប្រហែលជា CNY 191 billion ($27.4 billion) ដែលមានកំណើន 7.2% បើធៀបទៅនឹងឆ្នាំមុននេះ។
តាមរបាយការណ៍ចេញពី Bloomberg បានអោយដឹងថា ការលក់ប្រចាំឆ្នាំរបស់ក្រុមហ៊ុន Huawei នេះគឺមានចំនួនប្រហែលជា CNY 636.9 billion ($92.3 billion) ដែលមានការកើនឡើងបន្តិចបើធៀបទៅនឹងឆ្នាំ 2021។ ក្រុមហ៊ុននេះ ក៏បានចាប់ផ្តើមស្វែងរកនូវលំហូរនៃប្រាក់ចំណូលរបស់ខ្លួនដែលមានការលក់ប៉ាតង់ជាដើម។ ក្រុមហ៊ុននេះ ក៏លក់នូវបច្ចេកវិទ្យា និងសេវាកម្មជាច្រើនទៅកាន់អតិថិជនថ្មីៗ ដែលមានក្រុមហ៊ុនផលិតរថយន្ត អ្នករុករករ៉េ និងសួនឧស្សាហកម្មផងដែរ។
តាមការបញ្ជាក់របស់ Alan Fan បានអោយដឹងថា ក្រុមហ៊ុនបច្ចេកវិទ្យាយក្សរបស់ចិននេះ បានចុះហត្ថលេខាជាមួយនឹងកិច្ចព្រមព្រៀងអាជ្ញាប័ណ្ណជាង 20 នៅក្នុងឆ្នាំ 2022 នេះគឺមានការគ្របដណ្តប់ពាក់ព័ន្ធទៅនឹងផ្នែក automobiles, IoT, networking និងស្មាតហ្វូន៕