ស្មាតហ្វូន Samsung Galaxy S23 Series ត្រូវបានបញ្ជាក់ច្បាស់ហើយថា នឹងមានការសម្ពោធជាផ្លូវការណ៌នៅថ្ងៃទី 1 ខែកុម្ភៈខាងមុខនេះហើយ ដែលស្មាតហ្វូននេះមាន 3 ម៉ូដែល រួមមានដូចជា Galaxy S23, Galaxy S23 Plus និង Galaxy S23 Ultra ជាដើម។ សូមជំរាបថា ស្មាតហ្វូននេះ គឺមានទម្លាយចេញអស់ជាច្រើនខែមកហើយនៅថ្ងៃនេះ មានព័ត៌មានថ្មីដែលនិយាយពីស្មាតហ្វូនទៀតហើយ។ នៅថ្ងៃនេះ បើតាមប្រភពចេញពី Snoopy Tech គឺមានការទម្លាយជាថ្មីរបស់ស្មាតហ្វូនជំនាន់ថ្មី Galaxy S23 lineup ថែមទៀតហើយ។ ជាមួយគ្នានេះ អ្នកទម្លាយ @BillbilKun ចាប់ផ្តើមបញ្ចេញនូវព័ត៌មានថ្មី ដែលមានការបញ្ជាក់ពីលក្ខណៈសម្បត្តិមួយចំនួនរបស់ស្មាតហ្វូនទាំងបីនេះទាំងស្រុងតែម្តង។
Samsung Galaxy S23 Ultra ដែលជាម៉ូដែលធំជាងគេ គឺមានអេក្រង់ទំហំ 6.8-អ៊ីង QHD+ (3,088x1,440) AMOLED រត់ជាមួយល្បឿន refresh rate of 120Hz ដែលអាចធ្វើការចាប់ពី 1Hz ទៅ 120Hz។ បើតាមការទម្លាយកន្លងមកបាននិយាយថា Galaxy S23 Ultra គឺមានការបំពាក់កម្រិតខ្ពស់ដល់ទៅ 2,000nits។ សម្រាប់កម្លាំងម៉ាស៊ីនរបស់ស្មាតហ្វូន Samsung Galaxy S23 Ultra គឺមានរ៉េមទំហំ 8GB-12GB និងមានអង្គចងចាំ 256GB/512GB/1,024GB។ ស្មាតហ្វូននេះបំពាក់នូវបន្ទះឈីប Qualcomm Snapdragon 8 Gen 2 SoC និងមានថ្មទំហំ 5,000mAh គាំទ្រដោយកម្លាំងសាក 45W wired និង 10W wireless charging។ នៅលើម៉ូដែល Galaxy S23 Ultra ក៏មានការបំពាក់នូវប្រព័ន្ធស្កែនម្រាមដៃ ultrasonic fingerprint sensor និង Bluetooth 5.3, Wi-Fi 6E, UWB ហើយនិងមានមុខងារ NFC ជាដើម។
និយាយពីកាមេរ៉ាថតរូប វិញ ស្មាតហ្វូនថ្មីនេះ មានកាមេរ៉ា 12MP (f/1.4, 120-degree FOV) ultra-wide angle lens និង 10MP telephoto lens (f/2.4, 3x optical zoom, OIS) និងមួយគ្រាប់ទៀតមានទំហំ 10MP periscope telephoto lens (f/4.9, 10x optical zoom, OIS) ខណៈដែលកាមេរ៉ាគោលមានទំហំ 200MP ISOCELL HP2 senso។ ចំពោះការថតវីដេអូវិញ គឺមានសមត្ថភាពអាចថតបាន 8K@30FPS។ បើតាមសមត្ថភាព គឺអាចធ្វើបាន 120FPS, 4K@60 FPS។ សម្រាប់កាមេរ៉ាមុខរបស់ Galaxy S23 Ultra មានទំហំ 12MP និងមានមុខងារ HDR10+ថែមទៀត។
និយាយពីម៉ូដែល Samsung Galaxy S23 និង Galaxy S23 Plus វិញម្តង។ សម្រាប់ម៉ូដែល Galaxy S23 គឺមានអេក្រង់ 6.1-អ៊ីង FHD+ (2,340 x 1,080) AMOLED screen ល្បឿន 120Hz refresh rate ហើយក៏មានការគាំទ្រដោយមុខងារ HDR10+ រួមជាមួយនិងកម្រិតភីកសែល 425PPI ហើយនិងកញ្ចក់ការពារប្រភេទ Gorilla Glass Victus 2 ផងដែរ។ អេក្រង់នេះអាចរត់បានចាប់ពី 48Hz ទៅបាន 120Hz។ ស្មាតហ្វូននេះមានថ្មទំហំ 3,900mAh គាំទ្រដោយកម្លាំងសាក 25W wired និង 10 W wireless charging។
ចំពោះម៉ូដែល Galaxy S23+មានអេក្រង់ទំហំ 6.6-អ៊ីងដែលមានលក្ខណៈសម្បត្តិដូចគ្នាជាមួយនិងម៉ូដែល Galaxy S23 អញ្ចឹងដែរ។ ស្មាតហ្វូននេះមានថ្មទំហំ 4,700mAh និងមានកម្លាំងសាក 45W wired charging។ នៅលើស្មាតហ្វូននេះមានមុខងារ Dolby Atmos speakers, IP68 water resistance, Bluetooth 5.3, Wi-Fi 6E, NFC និង Wireless Powershare។ ស្មាតហ្វូនទាំងពីររត់ជាមួយស្បែកមុខកម្មវិធី One UI 5.1។ Galaxy S23 និង Galaxy S23+ នឹងមានកាមេរ៉ាទំហំ 50MP camera (f/1.8, 23 mm focal length, 85-degree FOV, dual-pixel PDAF, OIS) និងមានអមដំណើរជាមួយនិង 10MP telephoto lens (f/ 3.4, 36-degree FOV, 69 mm focal length, 3x optical zoom) និងគ្រាប់ចុងក្រោយមានទំហំ 12 MP ultra-wide angle lens (f/ 2.2, 120-degree FOV, 13mm focal length)។ ស្មាតហ្វូនទាំងពីរមានកាមេរ៉ាមុខទំហំ 12MP selfie អាចថតបាន 4K@60fps និងមាន HDR10+។ សម្រាប់កាមេរ៉ាគោលអាចធ្វើបាន 8K@30fps។ ចំពោះកម្លាំងម៉ាស៊ីន Galaxy S23 នឹងមានរ៉េមទំហំ 8GB និងអង្គចងចាំ 128GB ឬ 256GB ខណៈដែល Galaxy S23+ នឹងមានអង្គចងចាំ 256GB ឬ 512GB ហើយនិងមាន 4 ពណ៌ គឺ black, cotton, green និង purple។
តម្លៃរបស់ Samsung Galaxy S23, S23 Plus, S23 Ultra
តម្លៃរបស់ Samsung Galaxy S23 Series នៅប្រទេសអូស្រ្តាលីត្រូវបានគេទម្លាយហើយ គឺ Galaxy S23 គឺចាប់ផ្តើមពី AUS $1,350 និង Samsung Galaxy S23+ តម្លៃ $1,650 ខណៈដែល Samsung Galaxy S23 Ultra អាចនឹងមានទំហំប្រហែល $1,950។ តម្លៃ Samsung Galaxy S23 Series គឺត្រូវបានគេមើលឃើញថា មានតម្លៃខ្ពស់ជាងម៉ូដែលមុន Galaxy S22 series ដែលមានតម្លៃ AUS $1,249, $1,549, $1,849។
