ស្មាតហ្វូនស៊េរីថ្មី P60 របស់ក្រុមហ៊ុន Huawei ត្រូវគេរំពឹងថា នឹងបង្ហាញខ្លួននៅក្នុងពេលណាមួយនៅក្នុងខែមីនានេះ។ ស្មាតហ្វូន Series ថ្មីនេះក៏មានការបែកធ្លាយជាច្រើនផងដែរនាពេលថ្មីៗនេះ ហើយរបាយការណ៍ថ្មីៗជាច្រើនក៏បានទម្លាយអំពីការឌីស្សាញ និងរូបរាងខាងក្រៅយ៉ាងស្រស់ស្អាតរបស់វា។ ស្មាតហ្វូននេះនឹងមានម៉ូដែល Huawei P60 និង Huawei P60 Pro។ ខណៈពេលដែលយើងរង់នាំនូវការប្រកាសជាផ្លូវការនោះ លក្ខណៈសម្បត្តិលម្អិតរបស់ស្មាតហ្វូន Pro ក៏ទម្លាយនៅលើអនឡាញជាមួយនឹងបន្ទះឈីប Snapdragon 8 Gen 2 SoC របស់ក្រុមហ៊ុន Qualcomm ផងដែរ។
ស្មាតហ្វូនជំនាន់ថ្មី Huawei P60 Pro នេះ នឹងមានអេក្រង់ទំហំ 6.6-អ៊ីង OLED ជាមួយនឹងកម្រិតអេក្រង់ 120Hz refresh rate និងមានការបង្ហាញចេញបានកម្រិត 1440p។ ស្មាតហ្វូនជំនាន់ថ្មីនេះ មានថាមពលថ្មទំហំ 5,000mAh និងការគាំទ្រដោយបច្ចេកវិទ្យា 100W wired និង 50W wireless charging។ ស្មាតហ្វូនថ្មីនេះ នឹងមានបន្ទះឈីប Snapdragon 8 Gen 2 ប៉ុន្តែទ្រទ្រង់បានជាមួយត្រឹមតែកម្រិត 4G ប៉ុណ្ណោះ។
ស្មាតហ្វូន Huawei P60 Pro នេះ មានកាមេរ៉ា 3 គ្រាប់ដែលមានទំហំ 50MP Sony IMX888, Sony IMX858 Sensor ខណៈពេលដែល 64MP Telephoto របស់វាមាន OmniVision OV64B។ ស្មាតហ្វូននេះ មាន LPDDR5X Storage និង UFS 4.0 Storage។ ស្មាតហ្វូននេះ មាន IP68 និង HarmonyOS 3.0។ សូមជំរាបថា មកដល់ពេលនេះ នៅមិនទាន់មានការបញ្ជាក់ជាផ្លូវការអំពីកាលបរិច្ឆេទនៃការបង្ហាញនូវស្មាតហ្វូន Huawei P60 Series នោះទេ ប៉ុន្តែមានការរំពឹងថា អាចនឹងបង្ហាញខ្លួននៅក្នុងខែមីនានេះ៕
