ក្រុមហ៊ុនបច្ចេកវិទ្យា Apple បានបំបែកនូវកំណត់ត្រាថ្មីនៅក្នុងប្រទេសឥណ្ឌា ហើយគ្មានក្រុមហ៊ុនម៉ាកយីហោផ្សេងទៀតអាចធ្វើបាននោះទេ។ ក្រុមហ៊ុនបច្ចេកវិទ្យាយក្សនេះ បានក្លាយជាក្រុមហ៊ុនដំបូងបំផុតនៅក្នុងប្រទេសនេះដែលបាននាំចេញស្មាតហ្វូនដែលមានតម្លៃដល់ទៅ 1 ពាន់លានដុល្លារអាមេរិក (~Rs 8,100 crore) នៅក្នុងពេល 1  ខែប៉ុណ្ណោះ។

នៅក្នុងទិន្នន័យចេញពី Economic Times បញ្ជាក់ថា ក្រុមហ៊ុន Apple បានសម្រេចបាននូវជោគជ័យនៃការនាំចេញនៅក្នុងខែធ្នូ ឆ្នាំ 2022 នេះ។ ក្រុមហ៊ុន Apple និង Samsung គឺជាក្រុមហ៊ុននាំចេញស្មាតហ្វូនធំបំផុតចេញពីប្រទេសឥណ្ឌា។ នៅក្នុងការប្រកាសជាផ្លូវការរបស់រដ្ឋាភិបាលនោះ នៅក្នុងខែវិច្ឆិកាឆ្នាំមុននេះ ក្រុមហ៊ុន Apple បានយកឈ្នះទៅលើក្រុមហ៊ុន Samsung ក្លាយជាក្រុមហ៊ុននាំចេញច្រើនជាងគេនៅក្នុងប្រទេសនេះ។

ក្រុមហ៊ុនបច្ចេកវិទ្យាយក្សនេះ មានក្រុមហ៊ុនដែលជាដៃគូផ្គត់ផ្គង់កុងត្រាចំនួន 3 នោះគឺ Foxconn, Pegatron និង Wistron។ ក្រុមហ៊ុន Foxconn, Pegatron គឺស្ថិតនៅក្នុងតំបន់ Tamil Nadu ខណៈពេលដែលក្រុមហ៊ុន Wistron ស្ថិតនៅក្នុងតំបន់ Karnataka ។ ក្រុមហ៊ុននេះគឺធ្វើការផលិតនូវស្មាតហ្វូន e iPhone 12, iPhone 13, iPhone 14 និង iPhone 14 Plus នៅក្នុងប្រទេសនេះ។ នៅក្នុងការប្រកាសជាផ្លូវការនោះ ក្រុមហ៊ុនផលិតទាំងនេះក៏នាំចេញ iPhones ចេញពីប្រទេសឥណ្ឌាផងដែរ។

ក្រុមហ៊ុន Apple ក៏បានចូលរួមនៅក្នុងគម្រោងលើកទឹកចិត្ត product-linked incentive (PLI) scheme របស់រដ្ឋាភិបាលនៃប្រទេសឥណ្ឌាដែលបានប្រកាសនៅក្នុងខែមេសាឆ្នាំ 2020 ។ ក្រុមហ៊ុនផលិតទាំង 3 នេះបានទាមទារអោយបង្ហាញនូវទិន្នន័យនៃការផលិត ការនាំចេញ ការវិនិយោគ និងការងារទៅកាន់រដ្ឋាភិបាលជាផ្នែកមួយរបស់ពួកគេនៅក្នុងគម្រោង PLI scheme នេះ។ ក្រៅពីចំនួននៃការនាំចេញរបស់ Apple នេះ ទិន្នន័យនេះក៏ទម្លាយថា ខែធ្នូគឺជាខែកំណត់ត្រាថ្មីសម្រាប់ឧស្សាហកម្មស្មាតហ្វូនដែលមានតម្លៃជាង Rs 10,000 crore ទៅលើការនាំចេញ។

រដ្ឋាភិបាលបានព្យាករណ៍ថា ប្រទេសឥណ្ឌាអាចនឹងនាំចេញស្មាតហ្វូនដែលមានតម្លៃជាង 9 ពាន់លានដុល្លារអាមេរិកសម្រាប់ឆ្នាំ 2022 – 2023 ។សម្រាប់ទឹកប្រាក់១ ពាន់លានដុល្លារអាមេរិកគឺជាការនាំចេញរបស់ iPhones ត្រឹមតែ 1 ខែប៉ុណ្ណោះដែលនេះគឺជាគំរូឈានមុខនៃមហិច្ឆិតាក្នុងគម្រោង PLI របស់រដ្ឋាភិបាលនោះ៕