យោងតាមការចេញផ្សាយកន្លងមក តម្លៃស្មាតហ្វូន Samsung Galaxy S23, Galaxy S23+ និង Galaxy S23 Ultra ត្រូវបានគេនិយាយថា គឺនឹងនៅតែដដែលសម្រាប់ទីផ្សារអាមេរិក ប៉ុន្តែសម្រាប់ទីផ្សារអូស្រ្តាលីគឺមានតម្លៃខ្ពស់ជាងជំនាន់មុន។ ហើយសម្រាប់ការទម្លាយលើកនេះវិញបាននិយាយថា តម្លៃSamsung Galaxy S23, Galaxy S23+ និង Galaxy S23 Ultra គឺបានឡើងថ្លៃខ្ពស់ដូចនៅអូស្រ្តាលីដែរ ដែលធ្វើអោយហ្វេនៗមានការមិនសប្បាយចិត្តននោះទេនៅពេលនេះ។
សម្រាប់តម្លៃ Galaxy S23 ម៉ូដែលស្តង់ដារនៅអឺរ៉ុប គឺមានតម្លៃខ្ពស់ជាង €100 យូរ៉ូធៀបជាមួយម៉ូដែលស្តង់ដារ Galaxy S22 ហើយចំពោះម៉ូដែលស្តង់ដារ Galaxy S23+ ទំហំ 8GB-256GB ក៏មានតម្លៃខ្ពស់ជាង €100 យូរ៉ូដែរប្រៀបធៀបទៅននឹង Galaxy S22+ ដែលមានទំហំ 8GB-256GB។ ក្រឡេកមក Galaxy S23 Ultra គឺនមានតម្លៃខ្ពស់ជាងដល់ទៅ €150 យូរ៉ូ បើប្រៀបធៀបជាមួយ Galaxy S22 Ultra។ តម្លៃខាងលើនេះ គឺជាតម្លៃរួម ប៉ុន្តែដោយសារតែពន័្ធនៅតាមប្រទេសក្នុងតំបន់អឺរ៉ុនខុសៗគ្នានោះ ក៏អាចនឹងមានការប្រែប្រួលខ្លះផងដែរ ក្នុងននោះដូចជា អាល្លឺម៉ង់ និងបេណេឡុច គឺអាចនឹងមានតម្លៃ €949 សម្រាប់ម៉ូដែលស្តង់ដារ Galaxy S23 និងតម្លៃ €1,399 សម្រាប់ម៉ូដែលស្តង់ដារនៃ Galaxy S23 Ultra 8GB- 256GB ខណៈដែល Galaxy S23+ នឹងមានតម្លៃ €1,199 សម្រាប់ទំហំ 8GB-256GB។
ជាមួយគ្នានេះ នៅលើបណ្តាញ tweet ក៏មានការទម្លាយនូវតម្លៃនេះសម្រាប់ទីផ្សារប្រទេសអេស្ប៉ាញផងដែរ ហើយបើមើលទៅតម្លៃខាងលើនោះ ឃើញថា អត្រាពន្ធអេស្បាញ គឺខ្ពស់ជាងបន្តិច ដូច្នេះតម្លៃ Samsung Galaxy S23, S23+ នឹង S23 Ultra នៅប្រទេសនេះ គឺមានតម្លៃរឹតរតែខ្ពស់ជាងគេហើយ។
