រយៈពេលប៉ុន្មានម៉ោងនៅមុនដល់ព្រឹត្តិការណ៍នៃការប្រកាសជាផ្លូវការរបស់ស្មាតហ្វូន Galaxy S23 series នោះ មានការបែកធ្លាយជាច្រើនអំពីស្មាតហ្វូននេះ។ ពេលនេះ វីដេអូជាច្រើន និងរូបភាពរបស់ស្មាតហ្វូន Galaxy S23, Galaxy S23+ និង Galaxy S23 Ultra ក៏បែកធ្លាយនៅលើអ៊ីនធឺណិតផងដែរ។ អ្នកប្រើប្រាស់ Dylan Xitton បានបង្ហោះនូវរូបភាពជាច្រើនរបស់ស្មាតហ្វូន Galaxy S23 និង Galaxy S23 Ultra។
គាត់បានបង្ហោះនូវវីដេអូរបស់ស្មាតហ្វូន Galaxy S23 Ultra ដែលបង្ហាញអំពីការឌីស្សាញទៅលើអេក្រង់គ្រប់ជ្រុងរបស់វាផងដែរ។ រូបភាពទាំងនេះ បានបង្ហាញថា ស្មាតហ្វូន Galaxy S23 Ultra ដែលមានពណ៌ Phantom Black ។ ស្មាតហ្វូនថ្មីនេះ គឺដំនើរការនៅក្នុងទម្រង់ Retail Mode។ ស្មាតហ្វូននេះ មានអេក្រង់ 6.8-inch QHD+, កាមេរ៉ាគោលទំហំ 200MP, 12MP ultrawide និង 2x 10MP telephoto ម៉េមូរីទំហំ 256GB/512GB storage, 5,000mAh និង S Pen ។
បើតាមអ្នកទម្លាយ Ice Universe ក៏បានបង្ហោះរូបភាពជាច្រើនរបស់ស្មាតហ្វូន Galaxy S23, Galaxy S23+ និង Galaxy S23 Ultra ផងដែរ។ ស្មាតហ្វូន Galaxy S23 នេះអាចមានពណ៌ Cotton White ហើយស្មាតហ្វូន Galaxy S23+ មានពណ៌ Misty Lilac ខណៈពេលដែលស្មាតហ្វូន Galaxy S23 Ultra មានពណ៌ Botanic Green ។ ក្រុមហ៊ុន Samsung ក៏ចាប់ផ្តើមទទួលការកក់ទិញស្មាតហ្វូន Galaxy S23 series ផងដែរ៕