ក្រុមហ៊ុន Lexus ទើបតែបង្ហាញនូវអ្នកឈ្នះនូវពានរង្វាន់សម្រាប់ព្រឹត្តិការណ៍ Lexus Design Award 2023 ដែលជាការប្រកួតការឌីស្សាញអន្តរជាតិដែលផ្តោតទៅលើភាពលេចធ្លោជាច្រើន។ គណៈវិនិច្ឆ័យដែលចូលរួមមានលោក Paola Antonelli, Karim Rashid និង Simon Humphries បានជ្រើសរើសអ្នកឈ្នះចេញពីការចូលរួមប្រកួតចំនួន 2,068 នាក់ដែលតំណាងអោយ 63 ប្រទេស និងភូមិសាស្រ្តផ្សេងៗគ្នា។
គណៈវិនិច្ឆ័យបានធ្វើការវិនិច្ឆ័យផ្តោតទៅលើគោលការណ៍ស្នូលរបស់ក្រុមហ៊ុន Lexus គឺការបង្កើតនូវសង្គមមួយដែលពោរពេញទៅដោយភាពរីកចម្រើន និងអនាគតកាន់តែប្រសើរៈ ការគិតទុកមុន ភាពច្នៃប្រឌិត ការចូលរួម និងការបង្កើតនូវសុភមង្គល។ សម្រាប់អ្នកឈ្នះនៅក្នុងព្រឹត្តិការណ៍ពានរង្វាន់ Lexus Design Award លើកទី 11 នេះ នឹងបន្ត ដើម្បីធ្វើការដោះស្រាយទៅលើបញ្ហាជាច្រើនទៀត ដែលភ្ជាប់និងនិន្នាការថ្មីមួយក្រោមប្រធានបទ “Design for a Better Tomorrow” ដែលមានន័យថា ការឌីស្សាញសម្រាប់អនាគតកាន់តែប្រសើរឡើង!
សម្រាប់ការការច្នៃប្រឌិតរបស់អ្នកឈ្នះទាំងនោះ គឺមានរាយនាមខាងក្រោម: Fog-X គឺជាស្នាដៃរបស់ Pavels Hedström (ស៊ុយអែត): ការចាប់យកនូវអ័ព្ទ ហើយប្រែក្លាយវាទៅជាទឹកដែលអាចពិសារបាន។ Clay Humidifier គឺជាស្នាដៃរបស់ Liu Jiaming ( ចិន): ម៉ាស៊ីនព្រីន 3D (មិនប្រើប្រាស់អគ្គិសនី) ដែលធ្វើការកែច្នៃឡើងវិញទៅលើសេរ៉ាមិច។ Touch the Valley គឺជាស្នាដៃរបស់Temporary Office (សិង្ហបុរី និងកាណាដា): 3D contour puzzle ដែលអាចជួយមនុស្សអោយរៀនអំពីបរិយាកាសខាងក្រៅ។ Zero Bag គឺជាស្នាដៃរបស់ Kyeongho Park & Yejin Heo (សាធារណរដ្ឋកូរ៉េ): កញ្ចប់សម្លៀកបំពាក់ដែលអាចរលាយនៅក្នុងទឹក ហើយវាដើរតួជាសាប៊ូដែលអាចកម្ចាត់ទៅលើសារធាតុគីមីនាៗចេញពីសម្លៀកបំពាក់៕
