Huawei P60 Series បង្ហាញពិន្ទុនៅបញ្ជីធ្វើតេស្តរបស់ GeekBench Benchmark ហើយ

នៅឆ្នាំនេះ ក្រុមហ៊ុនបច្ចេកវិទ្យារបស់ចិន Huawei នឹងវិលត្រឡប់មកកាន់ទីផ្សារស្មាតហ្វូនឡើងវិញហើយ ជាមួយនិងការនាំមកនូវស្មាតហ្វូនជំនាន់ថ្មីរបស់ខ្លួនចំនួន 2 ម៉ូដែលដូចមុនៗចឹង គឺនាប Huawei P60 និង Huawei Mate 60 ដោយម៉ូដែល Huawei P60 series នឹងមានវត្តមានមុនស្មាតហ្វូន Mate 60។ ស្មាតហ្វូនជំនាន់ថ្មីទាំងពីររបស់ P60 Series នេះ គឺមានលេខម៉ូដែល LNA-AL00 និង MNA-AL00 នឹងបានឆ្លងកាត់ការបញ្ជាក់ពីបណ្តាញទូរគមនាគមន៌រួចរាល់ហើយ។ 

បើតាមការទម្លាយព័ត៌មាននោះ ស្មាតហ្វូនទាំងពីរនេះ គឺពិតជា Huawei P60 series មែនហើយ។ បន្ទាប់ពីបានបើលើទៅលើឯកសារនេះ គឺបានបង្ហាញថា ស្មាតហ្វូនដែលមានលេខម៉ូដែល MNA-AL00 បានឆ្លងកាត់បញ្ជីធ្វើតេស្តរបស់ GeekBench រួចហើយ ដោយម៉ូដែលនេះ គឺមានឈ្មោះថា Mona Lisa និងមានការប្រើប្រាស់ឈីប 8-core 2.4GHz និងមានរ៉េមទំហំ 8GB។ 

សម្រាប់សមត្ថភាពការធ្វើតេស្តនៅ GeekBench វិញ គឺទទួលបាន 550 នៅលើ single-core និង multi-core បាន 2269។ មានការបញ្ជាក់ថា ស្មាតហ្វូននេះប្រើប្រាស់ក្រាហ្វិក GPU Adeno 642L និងបន្ទះឈីប Snapdragon 778G ប្រភេទ 4G។ រហូតមកដល់ពេលនេះ នៅមិនទាន់មានការបញ្ជាក់ជាផ្លូវការណ៌ណាមួយពីសមត្ថភាព និងព័ត៌មានរបស់ស្មាតហ្វូននេះទេ។