Honor 80 Pro Three Body Limited Edition ចេញលក់នៅលើទីផ្សារចិនហើយ

មកដល់ថ្ងៃនេះ Honor ត្រូវបានគេដឹងថា បាននឹងកំពុងតែរៀបចំនូវការបង្ហាញវត្តមានរបស់ Honor Magic 5 series ដែលជាស្មាតហ្វូនថ្នាក់ប្រណិតរបស់ខ្លួននៅក្នុងព្រឹត្តិការណ៌ Mobile World Congress 2023 ខាងមុខនេះហើយ ស្របពេលដែលនៅពេលនេះ ក្រុមហ៊ុនស្មាតហ្វូនរបស់ចិនមួយនេះ គឺបានប្រកាសចេញលក់នូវម៉ូដែលពិសេសថ្មីមួយនៅលើទីផ្សារប្រទេសចិនដែលស្មាតហ្វូននេះ មានឈ្មោះថា Honor 80 Pro Three Body Limited Edition។

នៅថ្ងៃនេះ Honor 80 Pro Three Body Limited Edition ត្រូវបានប្រកាសចេញលក់នៅលើទីផ្សារចិនជាមួយនិងតម្លៃ 4,099 យ៉ន់ (~$604) សម្រាប់ទំហំ 12GB និង 512GB។ ស្មាតហ្វូន Honor 80 Pro នេះ គឺមានការឌីស្សាញរូបរាងថ្មីដោយផ្អែកនៅលើពណ៌ថ្មីដែលមានឈ្មោះថា Mo Yunqing color scheme។ ស្មាតហ្វូននេះមានអេក្រង់ទំហំ 6.78-អ៊ីង OLED display កម្រិត Full HD+ និងមានទំហំ 2400x1224pixels ហើយនិងមានល្បឿន 120Hz refresh rate ព្រមទាំងមានកម្រិត 1920Hz high-frequency PWM dimming  និង 10-bit color depth ថែមទៀត។

Honor 80 Pro Three Body Limited Edition នេះដំណើរការនៅលើបន្ទះឈីប Qualcomm Snapdragon 8+ Gen 1 មានរ៉េម 12GB និងអង្គចងចាំទំហំ 512GB។ សម្រាប់ការថតរូប គឺមានកាមេរ៉ាទំហំ 160MP wide-angle primary lens និងទំហំ 50MP ultra-wide secondary lens ហើយនិងទំហំ 2MP depth-of-field sensor។ សម្រាប់ាកាមេរ៉ាមុខទំហំ 50MP និងគ្រាប់ទីពីរ 2MP depth-of-field lens។ ស្មាតហ្វូននេះប្រើស្បែកមុខកម្មវិធី MagicOS 7.0 ចេញពីប្រអប់តែម្តង។ ស្មាតហ្វូននេះមានថ្មទំហំ 4,800mAh និងកម្លាំងសាក 66W fast charging។