no-alternative title
no-alternative title
no-alternative title

តម្លៃផលិតឧបករណ៍ Apple Mixed Reality VR Headset ខ្ទង់ $1,500 ក្នុងមួយគ្រឿងទៅហើយ ចុះតម្លៃលក់វិញប្រហែលប៉ុន្មានដែរទៅ.!

Apple ត្រូវបានគេរាយការណ៍ថា នឹងបញ្ចេញឧបករណ៍ Mixed Reality VR Headset ដំបូងរបស់ខ្លួននៅក្នុងព្រឹត្តិការណ៍ WWDC2023

នៅខែក្រោយនេះ។ បើតាមប្រភពរបាយការណ៍ចុងក្រោយនេះ បានបញ្ជាក់ថា Apple Mixed Reality VR Headset នឹងមានតម្លៃខ្ទង់ $3,000 ក្នុងមួយគ្រឿង ហើយកត្តាដែលនាំឲ្យមានតម្លៃថ្លៃជាងឧបករណ៍ VR ក្រុមហ៊ុនផ្សេង ក៏ដោយសារតែ Apple បានប្រើប្រាស់នូវបច្ចេកវិទ្យាស្នូលទំនើបៗចុងក្រោយ រួមនិងតម្លៃដើមក្នុងការផលិតខ្ពស់។ ដែលតាមប៉ាន់ប្រមាណពីក្រុមអ្នកវិភាគ បង្ហាញថា Apple Mixed Reality VR Headset មានតម្លៃដើមក្នុងការផលិតខ្ទង់ $1,500 ក្នុងមួយគ្រឿង។

រូបភាពពាណិជ្ជកម្ម
no-alternative title

 

យោងទៅលើប្រភពចេញពី Wellsenn XR បានបញ្ជាក់ពីតម្លៃនៃសមាសធាតុ (BoM) ក្នុងការផលិតឧបករណ៍ Mixed Reality Headset គឺចំនាយខ្ទង់ប្រហែល $1,400 ហើយប្រសិនបើបូកជាមួយតម្លៃក្នុងការនាំចេញបន្ថែមទៀតនោះ តម្លៃអាចនឹងកើនឡើងដល់ $1,600 ក្នុងមួយគ្រឿង។ ឧបករណ៍ Mixed Reality VR Headset ដំបូងចេញពី Apple ត្រូវបានគេរំពឹងថា នឹងបំពាក់មកជាមួយបន្ទះឈីប M2 ភ្ជាប់ដោយរ៉េមទំហំ 12GB ជាមួយថាសផ្ទុកទិន្នន័យ (memory) ទំហំ 512GB, ប្រើប្រាស់ Wi-Fi6 និង Bluetooth 5.3។

 

ដោយឡែកបើតាមប្រភពចេញពី XRDailyNews បាននិយាយថា សមាសធាតុដែលមានតម្លៃថ្លៃជាងគេសម្រាប់ Apple Mixed Reality Headset  គឺជាអេក្រង់ OLED តែម្តង ដោយអេក្រង់នេះអាចមានតម្លៃចន្លោះពី $280 ទៅ $320 ក្នុងមួយគ្រឿង។ ចំនែកកាមេរ៉ាដែលមាន 14 Lenses អាចមានតម្លៃ $160។ បើធៀបនឹងតម្លៃឧបករណ៍ Meta Quest Pro គឺស្មើរជាងពាក់កណ្តាលនៃតម្លៃផលិតរបស់ Mixed Reality Headset។ ដោយ Meta បានប្រកាសចេញលក់ Quest Pro Headsetរ របស់ខ្លួនដំបូងក្នុងតម្លៃខ្ទង់ $1,500 ក្រោយមកបញ្ចុះនៅត្រឹម $999 រីតម្លៃដើមក្នុងការផលិត Meta ចាយអស់ត្រឹម $250 ក្នុងមួយគ្រឿងប៉ុណ្ណោះ។ សម្រាប់តម្លៃក្នុងការផលិត iPhone 14 Pro Max វិញត្រូវបានគេដឹងថា ខ្ទង់ប្រហែល $500 ហើយ Apple បានប្រកាសចេញលក់ជាមួយតម្លៃខ្ទង់ $1,099 ដូចនេះសម្រាប់ Mixed Reality Headset គឺនឹងត្រូវចេញលក់ក្នុងតម្លៃខ្ទង់ $3,000។

 

បើតាមប្រភពរបាយការណ៍បាននិយាយថា Apple បានចំនាយទឹកប្រាក់ខ្ទង់ជាង 1 ពាន់លានដុល្លារក្នុងមួយឆ្នាំទៅលើគម្រោងការផលិតឧបករណ៍  Mixed Reality Headset របស់ខ្លួន។ បើតាមប្រភពចុងក្រោយបានបញ្ជាក់ថា Apple អាចនឹងមិនចេញលក់ Mixed Reality Headset ដំបូងរបស់ខ្លួនមិនលើសពី 500,000 គ្រឿងនោះទេ សម្រាប់ឆ្នាំដំបូងរបស់ខ្លួន៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍