លេចធ្លាយ realme GT Neo 6 ប្រើប្រាស់អេក្រង់ OLED ល្បឿន 144Hz បន្ទះឈីប Snapdragon 8 Gen 2

នៅថ្ងៃនេះ អ្នកទម្លាយ Digital Chat Station បានចែករំលែកនូវព័ត៌មានមួយចំនួនរបស់ស្មាតហ្វូន realme ស៊េរីថ្មីថែមទៀតហើយ ប៉ុន្តែមិនមានការបញ្ជាក់ច្បាស់នូវឈ្មោះរបស់ស្មាតហ្វូនជំនាន់ថ្មីនេះនៅឡើយទេ។ មានការរំពឹងថា ព័ត៌មានថ្មីនេះ គឺជាលក្ខណៈរបស់ស្មាតហ្វូនថ្មី realme GT Neo 6។ យោងតាមប្រភពខាងលើនេះបានបន្តថា realme GT Neo 6 នឹងមាននអេក្រង់ OLED កម្រិតរាបស្មើរ និងគែមអេក្រង់តូចមែនទែន។ អេក្រង់ស្មាតហ្វូននេះ គឺមានកម្រិត 1.5K+ និងមានល្បឿន refresh rate 144Hz និងមានកម្រិតនៃការឆ្លើយតប 2160Hz PWM dimming។ អ្នកទម្លាយរូបនេះ គឺមិនមានការបង្ហាញទំហំអេក្រង់នោះទេ។

ស្មាតហ្វូន realme GT Neo 6 នឹងមានការប្រើប្រាស់ឈីប Snapdragon 8 Gen 2 និងមានការគាំទ្រដោយរ៉េមប្រភេទ LPDDR5x RAM និងអង្គចងចាំ UFS 4.0 storage។ មានការបញ្ជាក់ថា ស្មាតហ្វូននេះ នឹងមានទំហំធំ ហើយនិងមានការគាំទ្រនូវកម្លាំងសាក 100W charging។ យោងតាមរបាយការណ៌កន្លងមក ស្មាតហ្វូននេះមានទំហំ 50-Megapixel primary camera គាំទ្រដោយមុខងារ OIS-enabled។ នៅលើ realme GT Neo 6 ក៏នឹងមានការប្រើប្រាស់នូវឧបករណ៌បំភាយកំដៅ ជាមួយនិងរូបភាពឌីស្សាញថ្មី។ ស្មាតហ្វូននេះ ត្រូវគេរំពឹងថា នឹងមានការឌីស្សាញម៉ូឌុលកាមេរ៉ាដែលមានរូបរាងដូច realme 11 Pro models អញ្ចឹង។

អ្នកទម្លាយរូបនេះបានបន្តថា realme GT Neo 6 series នឹងបង្ហាញចេញជាផ្លូវការបន្ទាប់ពី realme 11 lineup។ បើតាមប្រភពខាងលើនេះ បានព្យាករណ៌ថា ស្មាតហ្វូននេះ អាចនឹងបង្ហាញវត្តមាននៅលើទីផ្សារនៅត្រីមាសទី 3 ឆ្នាំនេះហើយ។