អស់រយៈពេលជាងមួយឆ្នាំមកហើយ ដែលយើងបាននិយាយច្រើនអំពីការវិលត្រឡប់របស់ Huawei ដែលជាក្រុមហ៊ុនបច្ចេកវិទ្យាយក្សរបស់ចិន ទៅលើការនាំមកនូវបច្ចេកវិទ្យា5G ត្រឡប់មកវិញ ទៅលើស្មាតហ្វូន Huawei Mate 60 series។ ថ្មីៗនេះក៏មានការបែកធ្លាយអំពីការវិលត្រឡប់នៃការប្រើប្រាស់ទៅលើបច្ចេកវិទ្យាជំនាន់ចុងក្រោយនេះផងដែរ។
យោងតាមព័ត៌មានថ្មីចេញពី classmateguan បានអោយដឹងថា បន្ទះឈីប Kirin នឹងមិនប្រើប្រាស់នៅលើស្មាតហ្វូនជាច្រើនម៉ូដែលនៅក្នុងឆ្នាំនេះ។ ជំនួសមកវិញ ក្រុមហ៊ុន Huawei នឹងពឹងផ្អែកទៅលើក្រុមហ៊ុន Qualcomm សម្រាប់បន្ទះឈីប ហើយក្រុមហ៊ុននេះ នឹងនាំយកនូវការប្រើប្រាស់ទៅលើបច្ចេកវិទ្យា 5G ទៅលើឧបករណ៍ជាច្រើនរបស់ក្រុមហ៊ុន Huawei ជាមួយនឹងបន្ទះឈីប Snapdragon។
ដូចនេះហើយ ក្រុមហ៊ុន Qualcomm អាចនឹងនាំយកនូវការប្រើប្រាស់ទៅលើបច្ចេកវិទ្យា 5G ទៅលើស្មាតហ្វូន Huawei Mate 60 series ។ អ្នកទម្លាយនេះប៉ាន់ស្មានថា ក្រុមហ៊ុននេះអាចនឹងនាំយកនូវបច្ចេកវិទ្យាថ្មីនេះនៅចន្លោះខែតុលានេះ។ វាអាចស្រដៀងគ្នាទៅនឹងពេលវេលានៃការប្រកាសបង្ហាញវត្តមានរបស់ស្មាតហ្វូន Huawei Mate 50 series ដែលបង្ហាញខ្លួនកាលពីឆ្នាំមុននេះ៕
