នៅថ្ងៃទី 25 ខែឧសភា ឆ្នាំ 2023 នេះ ក្រុមហ៊ុន realme ទើបតែប្រកាសជាផ្លូវការថា ខ្លួនបានតែងតាំងលោក Shah Rukh Khan ដែលជាតារាសម្តែងកំពូលរបស់ប្រទេសឥណ្ឌា អោយក្លាយជាអ្នកតំណាងស្មាតហ្វូនរបស់ខ្លួន។ ក្រុមហ៊ុននេះ បាននាំយកនូវកំពូលតារាងសម្តែងនេះ នៅមុនការបង្ហាញវត្តមានរបស់ស្មាតហ្វូន realme 11 Pro series នៅក្នុងប្រទេសឥណ្ឌា។
ថ្មីៗនេះ ក្រុមហ៊ុនផលិតស្មាតហ្វូនរបស់ចិននេះមួយ ទើបតែ បង្ហាញវត្តមានស្មាតហ្វូន realme 11 series នៅក្នុងទីផ្សាររបស់ចិន ហើយក៏ត្រៀមខ្លួនក្នុងការប្រកាសបង្ហាញស្មាតហ្វូនម៉ូដែល Pro នៅក្នុងទីផ្សារនៃប្រទេសឥណ្ឌានៅខែក្រោយនេះ។ ជាមួយនឹងអ្នកតំណាងស្មាតហ្វូនថ្មីនេះ យើងអាចមើលឃើញនូវការផ្សព្វផ្សាយពាណិជ្ជកម្មចាច្រើនអំពីស្មាតហ្វូន realme 11 Proនិង 11 Pro+ នៅក្នុងទីផ្សារនៃប្រទេសឥណ្ឌា។
កាលពីពេលមុននេះ ក្រុមហ៊ុននេះ ក៏ធ្លាប់បាននាំយកនូវតារាសម្តែងរបស់ប្រទេសឥណ្ឌា លោក Salman Khan ជាអ្នកតំណាងស្មាតហ្វូនរបស់ខ្លួនទៅលើម៉ូដែល realme 6 series នៅក្នុងឆ្នាំ 2020។ ស្រដៀងគ្នានេះផងដែរ ក្រុមហ៊ុននេះក៏បានតែងតាំងកីឡាករវាយកូនបាល់លោក KL Rahul អោយក្លាយជាអ្នកតំណាងស្មាតហ្វូនរបស់ខ្លួននៅក្នុងឆ្នាំ 2021។ ការតែងតាំងលោក Shah Rukh Khan ក៏មានការបែកធ្លាយជាបន្តបន្ទាប់ផងដែរកាលពីប៉ុន្មានថ្ងៃមុននេះ ដែលបង្ហើបថា លោកនឹងក្លាយជាអ្នកតំណាងស្មាតហ្វូននេះ៕
