កាលពីខែវិច្ឆិកាឆ្នាំមុននេះ ក្រុមហ៊ុន Honor បានប្រកាសចេញនូវស្មាតហ្វូនអេក្រង់បត់បានរបស់ខ្លួនម៉ូដែល Honor Magic Vs នៅលើទីផ្សារប្រទេសេចិន ដែលស្មាតហ្វូននេះ គឺមានការបំពាក់មកជាមួយនូវបន្ទះឈីប Snapdragon 8+ Gen 1។ យោងតាមពាក្យចចាមអារ៉ាមថ្ងៃនេះ បានអោយដឹងថា ក្រុមហ៊ុននេះ នឹងមានការប្រកាសបន្ថែមនូវស្មាតហ្វូនបត់បានយ៉ាងតិច 2 ម៉ូដែលនៅលើទីផ្សារសម្រាប់ឆ្នាំ 2023 នេះ។ ស្របពេលជាមួយដំណឹងនេះ គេក៏ឃើញមានស្មាតហ្វូនថ្មីមួយដែលមានលេខម៉ូដែល VER-AN10 បានឆ្លងកាត់ការចុះបញ្ជីស្ថាប័ន China’s MIIT authority រួចហើយផងដែរ។ មានការរំពឹងថា ស្មាតហ្វូននេះគឺជា Honor Magic V2។
ជាមួយនិងវត្តមាននៅលើស្ថាប័ន MIIT certification គឺមានការទម្លាយព័ត៌មានស៊ីជម្រៅណាមួយរបស់ស្មាតហ្វូនអេក្រង់បត់បានជំនាន់ថ្មី Honor Magic V2 នេះនៅឡើយទេ ប៉ុន្តែពាក្យចចាមអារ៉ាមនិយាយថា ការបង្ហាញខ្លួនរបស់ស្មាតហ្វូននេះ គឺនៅលើសល់ពេលមិនយូរទៀតនោះទេ។ ប្រភពដដែលនេះបន្តថា ស្មាតហ្វូននេះ អាចនឹងមានបន្ទះឈីបពីរជម្រើស ដោយមួយ គឺប្រើប្រាស់បន្ទះឈី Snapdragon 8 Plus Gen 1 និងមួយទៀតប្រើប្រាស់បន្ទះឈីប Snapdragon 8 Gen 2។
គួរបញ្ជាក់ថា កន្លងមក មានព័ត៌មានជាច្រើនបានទម្លាយថា ស្មាតហ្វូនដែលមានអេក្រង់បត់បានជំនាន់ថ្មីម៉ូដែល Honor Magic V2 គឺទំនងជានិងមានការបង្ហាញវត្តមាននៅថ្ងៃទី 27 កក្កដាខាងមុខនេះ ហើយនៅក្នុងនោះក៏មានការបញ្ជាក់ថា ការឌូស្សាញស្មាតហ្វូន Magic V2 គឺដូចគ្នាជាមួយនិង Huawei Mate X3 អញ្ចឹងដែរ គឺនឹងមានកម្រ៉ាស់ស្តើង និងទម្ងន់ស្រាល់ដូចគ្នា។ សូមជំរាបថា Mate X3 ដែលសម្ពោធកាលពីខែមីនាកន្លងទៅ គឺមានទំហំ 156.9x72.4x11.8mm និងមានទម្ងន់ 240 grams។
