ខណៈពេលដែលក្រុមហ៊ុន Apple ត្រៀមខ្លួននៅក្នុងការប្រកាសចេញនូវស្មាតហ្វូនជំនាន់ថ្មី iPhone 15 Series នៅចុងឆ្នាំនេះ មានពាក្យចចាមអារ៉ាមជាច្រើន បានទម្លាយអំពីស្មាតហ្វូន iPhone ដែលនឹងមានវត្តមាននៅឆ្នាំ 2024 នេះថែមទៀតហើយ។ នៅក្នុងការបែកធ្លាយចុងក្រោយបំផុតនេះ មានការទម្លាយអំពីលក្ខណៈសម្បត្តិជាច្រើន ដែលមាននៅលើស្មាតហ្វូន iPhone 16 Pro។
បើតាមព័ត៌មាកន្លងមក គឺបាននិយាយថា ក្រុមហ៊ុនបច្ចេកវិទ្យាយក្សរបស់អាមេរិកាំងមួយនេះ ក៏បានត្រៀមខ្លួនក្នុងការបង្ហាញចេញនូវស្មាតហ្វូន iPhone 15 នៅក្នុងខែកញ្ញានេះហើយ។ យ៉ាងណាមិញ ព័ត៌មានថ្មីដែលចែករំលែកចេញពី Mark Gurman របស់ Bloomberg ក៏បានផ្តោតទៅលើស្មាតហ្វូន iPhone 16 Pro និង iPhone Pro Max ផងដែរ។ នៅក្នុងការបែកធ្លាយថ្មីនេះ ក៏បានចែករំលែកអំពីអេក្រង់របស់ស្មាតហ្វូននេះផងដែរ។ លោក Gurman បានអះអាងថា ស្មាតហ្វូន Pro នេះនឹងបង្ហាញខ្លួននៅក្នុងឆ្នាំ 2024 នេះគឺមានអេក្រង់ 6.3 អ៊ីង និង 6.9 អ៊ីង។សម្រាប់ស្មាតហ្វូន iPhone 16 Pro Series គឺមានអេក្រង់វែងជាងមុន។
យោងតាមអ្នកទម្លាយរូបនេះ គឺបានបន្តថា ស្មាតហ្វូន iPhones Pro ទាំងពីរ ដែលនឹងបង្ហាញខ្លួននៅឆ្នាំក្រោយនេះ អាចនឹងប្រកួតប្រជែងជាមួយនឹងស្មាតហ្វូនប្រណិតៗជាច្រើនដូចជា Samsung ជាដើម។ បើតាមការបញ្ជាក់ចេញពី Digital Chat Station បានអោយដឹងថា ស្មាតហ្វូន iPhone 16 Pro និង 16 Pro Max នេះ នឹងមានកាមេរ៉ាគោល 1/1.14 អ៊ីង primary Sony IMX903 ៕
