សង្វាក់ការផលិតកម្មទ្រង់ទ្រាយធំទៅលើ iPhone 15 គឺជិតចាប់ផ្តើមហើយ!

មកដល់ថ្ងៃនេះ អ្នកគាំទ្រជាច្រើន កំពុងតែរង់ចាំនូវការបង្ហាញវត្តមានរបស់ស្មាតហ្វូន iPhone 15 ហើយក្រុមហ៊ុន Foxconn ដែលជាក្រុមហ៊ុនផលិតគ្រឿងបង្គុំធំបំផុតរបស់ iPhone ក៏បានត្រៀមខ្លួនក្នុងការផលិតទ្រង់ទ្រាយធំផងដែរ។ ដើម្បីធានាបានថា ខ្លួនមានកម្មករដែលអាចបំពេញបានតាមតម្រូវការនោះ ក្រុមហ៊ុននេះ បានប្រកាសថា ខ្លួននឹងចាប់ផ្តើមជ្រើសរើសនូវបុគ្គលិកថ្មី និងបង្កើនប្រាក់រង្វាន់ជាច្រើនទៀតសម្រាប់បុគ្គលិកចាស់ដែលមានស្រាប់។

គិតចាប់ផ្តើមពីថ្ងៃទី 29 ខែឧសភានេះ បុគ្គលិកថ្មី អាចនឹងទទួលបាននូវប្រាក់រង្វាន់ជាច្រើនដែលមិនធ្លាប់បានជួបពីមុនមកនោះទេ។ តាមទិន្នន័យផ្លូវការចេញពី Zhengzhou បានអោយដឹងថា ប្រាក់រង្វាន់សម្រាប់បុគ្គលិកថ្មីគឺប្រហែលជា $500 នៅក្នុងម្នាក់។ នេះគឺជាការកើនឡើងដ៏ធំមួយខណៈពេលដែលកាលពីមុន គឺប្រាក់រង្វាន់ត្រឹមតែ 425$ ប៉ុណ្ណោះ សម្រាប់មនុស្សម្នាក់។ បន្ថែមពីនេះទៀតនោះ តម្លៃពលកម្មម៉ោងក៏កើនឡើង 2 យ៉ន់ នៅក្នុងមួយម៉ោងផងដែរ។ 

ស្មាតហ្វូន iPhone 15 Series នេះអាចនឹងមាន 4 ម៉ូដែលនោះគឺ iPhone 15, 15 Plus, 15 Pro និង 15 Pro Max។ ស្មាតហ្វូនទាំងនេះ គឺមានអេក្រង់ Dynamic Island, USB-C connector និង Apple A17 SoC។ កាមេរ៉ា Periscope នេះមាន  6x optical zoom។ ស្មាតហ្វូន iPhone 15 អាចនឹងក្លាយជាម៉ូដែលថ្មី ដែលមានការទន្ទឹងរង់ចាំច្ើរនបំផុតនៅក្នុងឆ្នាំនេះ។ ក្រុមហ៊ុន Foxconn ក៏ត្រៀមផលិតទ្រង់ទ្រាយធំ និងបង្កើនប្រាក់រង្វាន់នោះ ក៏ជាការបោះជំហានដ៏ជោគជ័យនៃវត្តមានរបស់ iPhone នាពេលខាងមុខនេះផងដែរ៕