យោងតាមចេញផ្សាយព័ត៌មានថ្មីដែលទម្លាយចេញពី Ice Universe បាននិយាយថា ស្មាតហ្វូនស៊េរីថ្មី Xiaomi 14 Pro នឹងមានការផ្លាស់ប្តូររូបរាងនៃអេក្រង់។ តាមរយៈរូបភាព render ដែលចែករំលែកនៅលើ Twitter បានអោយដឹងថា ផ្នែកខាងមុខរបស់ស្មាតហ្វូននេះ គឺមានគែមកោងនៅជ្រុងទាំង 4 តែម្តង។ ជាមួយនឹងគែម bezels ស្តើងនោះ ស្មាតហ្វូនជំនាន់ថ្មី Xiaomi 14 Pro នេះ នឹងមានអេក្រង់ “full-screen” ដ៏អស្ចារ្យបំផុត។
បើនិយាយអំពីលក្ខណៈសម្បត្តិវិញនោះ ស្មាតហ្វូន flagship series របស់ក្រុមហ៊ុន Xiaomi នេះ នឹងប្រើប្រាស់នូវបន្ទះឈីប Qualcomm Snapdragon Processor ចុងក្រោយបំផុត។ ស្មាតហ្វូន Xiaomi 14 Pro អាចនឹងប្រើប្រាស់នូវបន្ទះឈីប Snapdragon 8 Gen 3។ បន្ទះឈីបនេះ នឹងប្រើប្រាស់នូវដំណើរការ 4nm របស់ក្រុមហ៊ុន TSMC បន្ទះឈីបនេះក៏មានការពង្រឹងច្រើនគួរអោយកត់សម្គាល់ផងដែរ។
បើមើលទៅលើថាមពលថ្មនោះ ស្មាតហ្វូន Xiaomi 14 Pro នេះ នឹងមានថាមពលថ្មទំហំ 5,000mAh ហើយនិងមានទ្រទ្រង់នូវបច្ចេកវិទ្យាសាកកម្លាំង 50W wireless fast charging ថែមទៀតផង។ ស្មាតហ្វូនជំនាន់ថ្មី Xiaomi 14 Pro នេះក៏មានការ upgrade ទៅលើកាមេរ៉ារបស់វាផងដែរ ជាមួយនឹង WLG High-Lens។ ស្មាតហ្វូន Xiaomi 14 Pro នេះនឹងបង្ហាញខ្លួននៅខែវិច្ឆិកាឆ្នាំ 2023 នេះ៕
