នៅថ្ងៃទី 1 ខែមិថុនានេះ ក្រុមហ៊ុន Motorola នឹងបង្ហាញនូវស្មាតហ្វូន Motorola Razr 40 Ultra ដែលជាប្រភេទស្មាតហ្វូន clamshell ដែលមានលក្ខណៈសម្បត្តិខ្លាំងក្លាជាច្រើន។ យោងតាមរបាយការណ៍ជាច្រើន បានទម្លាយថា ក្រុមហ៊ុននេះ ក៏មានគម្រោងក្នុងការបង្ហាញនូវស្មាតហ្វូន Motorola Razr 40 ជាមួយនឹងម៉ូដែល Ultra ផងដែរ។ របាយការណ៍ជាច្រើនក៏បានទម្លាយនូវលក្ខណៈសម្នបត្តិរបស់ស្មាតហ្វូន Ultra នេះផងដែរ។ យ៉ាងណាមិញ រូបភាពមួយចំនួនក៏មានការទម្លាយអំពីរូបរាងរបស់ស្មាតហ្វូន Razr 40 ហើយថ្មីៗនេះ ស្មាតហ្វូននេះក៏បែកធ្លាយនៅលើវិញ្ញាបនបត្រ 3C និង Geekbench ថែមទៀតផង។
ដូចអ្វីដែលអាចមើលឃើញបានតាមរូបភាពនេះ ស្មាតហ្វូន Motorola ថ្មីនេះ គឺមានលេខកូដ XT2323-3 ត្រូវទម្លាយនៅក្នុង Databases មួយរបស់ Geekbench និងវិញ្ញាបនបត្រ 3C របស់ប្រទេសចិន។ មានការរំពឹងថា ស្មាតហ្វូននេះអាចជាម៉ូដែល Motorola Razr 40។ នៅក្នុងបញ្ជីនេះ ក៏បានលម្អិតទៅលើស្មាតហ្វូននេះផងដែរ។ នៅក្នុងបញ្ជីរបស់ Geekbench នេះ ស្មាតហ្វូន Motorola Razr 40 នេះគឹមានបន្ទះឈីប Qualcomm។ សម្រាប់ CPU និង GPU របស់វាគឺត្រូវបានលម្អិតផងដែរ ហើយនេះអាចបញ្ជាក់បានថា ស្មាតហ្វូន Razr 40 នេះនឹងមានបន្ទះឈីប Snapdragon 7 Gen 1 និងរ៉េមទំហំ 12GB ។
ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 13 OS ។ នៅក្នុងការតេស្តនៅលើ Geekbench អោយដឹងថា ស្មាតហ្វូននេះមានពិន្ទុ 1019 នៅក្នុង single-core និងពិន្ទុ 2545 នៅក្នុងការតេស្ត multi-core ។ ស្មាតហ្វូននេះក៏ទ្រទ្រង់នូវបច្ចេកវិទ្យា 33W fast charging ផងដែរ។ ស្មាតហ្វូននេះនឹងមាន 3 ពណ៌គឺ purple, olive green និង cream shades ៕
