no-alternative title
no-alternative title
no-alternative title

vivo S17 បង្ហាញគុណសម្បត្តិជាច្រើននៅលើបញ្ចីរបស់ Geekbench នៅមុនការប្រកាសមកដល់

vivo  ត្រៀមប្រកាសចេញស្មាតហ្វូនកម្រិតថវិកាស៊េរីថ្មីនៅក្នុងទីផ្សារប្រទេសចិននាថ្ងៃទី 31 ខែឧសភា ស្អែកនេះ។ ស្មាតហ្វូនជំនាន់ថ្មីដែលនឹងបង្ហាញវត្តមាននៅថ្ងៃស្អែកនេះ គឺជាម៉ូដែល vivo S17 និង S17 Pro។ ដោយឡែកក្នុងថ្ងៃនេះដែរ នៅលបញ្ចីរបស់កម្មវិធី Geekbench ក៏បានធ្វើការបង្ហាញចេញពីគុណសម្បត្តិស្ទើរតែទាំងស្រុងរបស់ម៉ូដែល vivo S17។ បើតាមការបង្ហាញនៅលើបញ្ចីរបស់ Geekbench ស្មាតហ្វូនស៊េរីថ្មីមួយនេះ គឺមានលេខកូដសំគាល់ម៉ូដែល V2283A។

 

រូបភាពពាណិជ្ជកម្ម
no-alternative title

នៅលើបញ្ចីដដែលនេះក៏បានបង្ហាញពី Motherboard របស់ V2283A ផងដែរ ដោយមានលេខកូដសំគាល់ថា “lahana” ដែលមានភ្ជាប់មកជាមួយឈីបដែលមានអង្គគណនាចែកចេញជា Quad-core ល្បឿន 1.8GHz, Triple-core ល្បឿន 2.4GHz និង Primary-core ល្បឿន 2.52GHz ដែលឈីបនេះ គឺជាស៊េរី Snapdragon 778G+។ បន្ថែមពីនេះនៅលើបញ្ចីក៏បានបញ្ជាក់ថា ឈីបដែលបំពាក់នៅលើ vivo S17-V2283A គឺមានភ្ជាប់ដោយរ៉េមទំហំ 12GB ថែមទៀតផង។ ហើយស្មាតហ្វូនជំនាន់ថ្មីនេះ ក៏គាំទ្រការដំឡើងមកជាមួយប្រតិបត្តិការ Android 13 ផងដែរ។

សម្រាប់ពិន្ទុនៅលើអង្គគណនា Single-core និង Multi-core របស់ vivo S17 គឺខ្ទង់ 817 ពិន្ទុ និង 2,607 ពិន្ទុ។ vivo S17 នឹងបង្ហាញវត្តមានជាមួយបន្ទះអេក្រង់ AMOLED Display ទំហំ 6.78 អ៊ីង គាំទ្រកម្រិតបង្ហាញ 1.5K ជាមួយល្បឿន refresh rate 120Hz។ ស្មាតហ្វូនជំនាន់ថ្មីនេះក៏នឹងដំឡើងមកជាមួយប្រព័ន្ធកាមេរ៉ាខាងក្រោយទំហំ 50MP ជាមួយ OIS រួមនឹង 8MP Ultrawide។ vivo S17 ក៏នឹងភ្ជាប់មកជាមួយបច្ចេកវិទ្យាសាកថ្មកំលាំង 66W ឬក៏ 80W Wired Charging។ ដោយឡែកសម្រាប់ម៉ូដែល vivo S17 Pro វិញនឹងមានកាមេរ៉ាសែលហ្វីទំហំធំដល់ទៅ 50MP ព្រមទាំងមានអមដោយអំពូល Dual-LED Flash ហើយនិងមានប្រព័ន្ធកាមេរ៉ាក្រោយដែលគាំទ្រមុខងារ 2x Portrait ថែមទៀតផង៕

 

ព័ត៌មានពាណិជ្ជកម្ម