Honor 90 បង្ហាញខ្លួនជាមួយនិងកាមេរ៉ាទំហំ 200MP និងមានអេក្រង់ OLED គែមកោងទំហំ 6.7 អ៊ីង

ថ្មីៗនេះក្រុមហ៊ុន Honor ទើបតែប្រកាសចេញនូវស្មាតហ្វូន Honor 90 series របស់ខ្លួន នៅក្នុងប្រទេសចិន ដែលស្មាតហ្វូននេះមានម៉ូដែល Honor 90 និង Honor 90 Pro។ កាលពីមុននេះមានការពិភាក្សាលម្អិតជាច្រើនទៅលើស្មាតហ្វូនម៉ូដែល Pro ប៉ុន្តែរបាយការណ៍នេះ ក៏ផ្តោតទៅលើមុខងារ និងលក្ខណៈសម្បត្តិរបស់ស្មាតហ្វូន Honor 90 ដែលជាម៉ូដែលស្តង់ដារវិញម្តង។

ការឌីស្សាញ និងអេក្រង់

បើពិនិត្យមើលទៅលើការឌីស្សាញនោះ ស្មាតហ្វូននេះ គឺមិនមានអ្វីដែលប្លែកច្រើនបើធៀបទៅនឹងស្មាតហ្វូនម៉ូឌែលជំនាន់មុននោះទេ។ ផ្នែកខាងក្រោយរបស់ស្មាតហ្វូននេះ គឹមានកាមេរ៉ា3 គ្រាប់។ ស្មាតហ្វូននេះមានវិមាត្រ 161.9x74.1x7.8mm។ ស្មាតហ្វូននេះ មានទម្ងន់ត្រឹមតែ 183g ដែលងាយស្រួលក្នុងការចល័ត និងប្រើប្រាស់មែនទែន។ ស្មាតហ្វូននេះ មានអេក្រង់ទំហំ  6.7-អ៊ីង OLED ជាមួយនឹងកម្រិតភាពច្បាស់ FHD ទំហំ 2664×1200 pixels ។ អេក្រង់នេះក៏មានកម្រិត screen aspect ratio19.98:9 និង 1.07 billion colors និង DCI-P3 wide color gamut ដែលធ្វើអោយស្មាតហ្វូន  Honor 90 នេះមានកម្រិតនៃការទស្សនាយ៉ាងអស្ចារ្យថែមទៀត។

កម្លាំងម៉ាស៊ីន

ស្មាតហ្វូន Honor 90 នេះគឺមានបន្ទះឈីប  Snapdragon 7 Gen 1 octa-core processor ដែលល្អបំផុតសម្រាប់មុខងារ multitasking ។ សម្រាប់ CPU នេះគឺមាន Cortex-A710 cores 2.5GHz, 2.36GHz និង 1.8GHz រួមជាមួយនឹងក្រាហ្វិកកាត Adreno 644 GPU ដែលធានាទៅលើក្រាហ្វិកដំណើរការបានយ៉ាងរលូននៅក្នុងពេលលេងហ្គេម និង multimedia ថែមទៀត។ ស្មាតហ្វូន Honor 90 នេះដំណើរការនូវ MagicOS 7.1 ផ្អែកនៅលើ Android 13 ។ ស្មាតហ្វូននេះមានទំហំ 16GB+256GB, 12GB+256GB និង 16GB+512GB ដែលអនុញ្ញាតអោយអ្នកប្រើប្រាស់អាចរក្សាទុកនូវ  files, apps និង media បានយ៉ាងច្រើន។ស្មាតហ្វូន Honor 90 នេះប្រើប្រាស់នូវ  5000mAh Li-ion polymer ហើយវាក៏មានបច្ចេកវិទ្យា Honor 66W Super-Fast Charge Charger ថែមទៀតផង។

កាមេរ៉ា

ស្មាតហ្វូន Honor 90 នេះមានកាមេរ៉ាខាងក្រោយ 3 គ្រាប់ដែលមានទំហំ 200-Megapixel ultra-clear outsole lens ជាមួយនិង f/1.9 Aperture, 12-Megapixel Ultra-Wide-Angle Macro Lens (f/2.2 Aperture) និង 2-Megapixel Depth-of-Field Lens (f/2.4 Aperture)។ កាមេរ៉ានេះ ទ្រទ្រង់នូវ 4K (3840×2160) video recording ជាមួយនឹងមុខងារ EIS Video Stabilization ហើយក៏មានមុខងារជាច្រើនទៀតដូចជា  AI photography, night scene mode និង  professional photo ថែមទៀត។ ស្មាតហ្វូននេះមានកាមេរ៉ាខាងមុខទំហំ 50-Megapixel portrait lens (f/2.4 aperture) ។ កាមេរ៉ាខាងមុខនេះក៏ទ្រទ្រង់នូវ 4K video recording ជាមួយនិង EIS anti-shake ហើយវាក៏មាន shooting modes ជាច្រើនទៀតដូចជា  dynamic photo, portrait mode និង  time-lapse photography ជាដើម។

តម្លៃ

ស្មាតហ្វូន Honor 90 Standard Edition នេះ មានច្រើនទំហំក្នុងការជ្រើសរើស។ សម្រាប់ទំហំ 12GB+256GB គឺមានតម្លៃ  2499 យ៉ន់, 16GB+256GB គឺមានតម្លៃ 2799 យ៉ន់ ហើយទំហំ 16GB+512GB គឺមានតម្លៃ  2999 យ៉ន់៕