ត្រឹមរយះពេល 72 ម៉ោងប៉ុណ្ណោះ Nio ES6 Gen 2 រថយន្តអគ្គិសនីស៊េរីថ្មី ទទួលបានការកក់មុន 90 គ្រឿង ក្នុងមួយហាង

កាលពីថ្ងៃទី 24 ឧសភា កន្លងទៅក្រុមហ៊ុនផលិតរថយន្តដ៏មានឥទ្ធិពលរបស់ប្រទេសចិន Nio បានប្រកាសចេញលក់រថយន្ត Electric SUV ស៊េរីថ្មីម៉ាក Nio ES6 Gen 2។ បន្ទាប់ពីការចេញលក់ភ្នាក់ងារស្រាវជា្រវទីផ្សារលក់រថយន្តរបស់ប្រទេសចិន CarFans បានធ្វើសម្រង់ទិន្នន័យនៃការលក់របស់ Nio ES6 Gen 2 SUV Ev សម្រាប់រយះពេល 72 ម៉ោងដែលគិតពីថ្ងៃទី 24 ដល់ថ្ងៃទី 27 ខែឧសភា។

បើតាមរបាយការណ៍បង្ហាញថា អតិថិជនក្នុងប្រទេសចិនមានចំនាប់អារម្មណ៍ទៅលើ Nio ES6 Gen 2 ពី 60 ទៅ 70%។ ដោយក្នុងនោះនៅក្នុងហាងលក់មួយរបស់ Nio ទទួលបានការបញ្ជាទិញ Pre-Order រថយន្ត Nio ES6 Gen 2 ចំនួន 90 នាក់ ឬស្មើរនឹង 90 គ្រឿង ដោយក្នុងនោះមានអតិថិជន 20 នាក់ទទួលបានការបញ្ជាក់ពីការបញ្ជាទិញជាមួយ downpayment របស់ពួកគេរួចរាល់ហើយ។ ការបញ្ជាទិញជាមុនមានសុពលភាពរហូតដល់ថ្ងៃទី 31 ខែកក្កដា ឆ្នាំ 2023។ លោក Shao Jun មកពី Car Fans និយាយថាអត្រានៃការលុបចោលការបញ្ជាទិញជាមុនរបស់អតិថិជនពី Nio គឺមានប្រហែល 10%។ លោកបានបញ្ជាក់ទៀតថា អតិថិជនប្រមាណ 70% ដែលមានបញ្ជាទិញរថយន្ត Nio ES6 Gen 2 SUV Ev គឺជាបុរសវ័យចន្លោះពី 30 ទៅ 40 ឆ្នាំ។

Nio ES6 Gen2 SUV Ev ត្រូវបានក្រុមហ៊ុនប្រកាសចេញលក់នៅចិនក្នុងតម្លៃខ្ទង់ប្រហែល $52,200 សម្រាប់ម៉ូដែលបំពាក់អាគុយអគ្គសនីទំហំ 75kWh និងប្រហែល $60,400 សម្រាប់ម៉ូដែលបំពាក់អាគុយអគ្គិសនីទំហំ 100kWh។ ដោយឡែកសម្រាប់តម្លៃរបស់ម៉ូដែលបំពាក់អាគុយអគ្គិសនីប្រភេទ semi-solid state battery ទំហំ 150kWh ដែលម៉ូដែលនេះនឹងត្រូវប្រកាសចេញលក់នៅក្នុងខែកក្ដដា។ Nio ES6 Gen 2 SUV ជាប្រភេទរថយន្ត Electronic SUV ដែលមានទំហំវិមាត្រ 4,854mm x 1,995mm x 1,703mm និងប្រវែងចន្លោះរវាងកង់ក្រោយទៅកង់មុខ គឺ 2,915mm។

Nio ES6 Gen2 SUV Ev ដំណើរការដោយប្រព័ន្ធបង្វិលកង់ទាំងបួន ឬ 4WD (Four-wheel-drive) មានសន្ទុះល្បឿនពីទ្រនិចកុងទ័រ 0km ទៅ 100km ចាយពេល 4.5 វិនាទី សមត្ថភាពដែល ES6 Gen 2 ធ្វើបាននេះក៏ដោយសារតែមានជំនួយពីម៉ូទ័រអគ្គិសនីចំនួនពីរដែលអាចផលិតថាមពលបន្ថែមបានដល់ 360kW បង្កើនកំលាំងបានដល់ 482HP និងកំលាំងរមូលដល់ 700nm។ សម្រាប់ម៉ូទ័រខាងមុខផលិតថាមពលបាន 150kW និងម៉ូទ័រខាងក្រោយផលិតថាមពលបាន 210kW។ រថយន្តអគ្គិសនី SUV ស៊េរីថ្មីនេះមានជម្រើសយ៉ាន់កង់ទំហំ 20-inch និង 21-inch។ សម្រាប់ប្រព័ន្ធជំនួយក្នុងការបើកបរវិញ Nio ES6 ជំនាន់ទីពីរនេះមានបំពាក់នូវប្រព័ន្ធ Nio AQUILA sensor system, consisting of 33 high-performance sensing units, និង Nio ADAM Super Computing with four Nvidia Drive Orin X chips ជាដើម។ 

បច្ចុប្បន្ន Nio ES6 Gen 2 បានដាក់តាំងបង្ហាញលក់នៅក្នុងហាងលក់របស់ក្រុមហ៊ុនចំនួន 330 ហាងនៅទូទាំងប្រទេសចិន ហើយបើក្នុងមួយហាងទទួលបានការបញ្ជាទិញមុនចំនួន 90 គ្រឿង មានន័យថា  ES6 Gen 2 ទទួលបានការបញ្ជាទិញមុនចំនួនសរុបដល់ 29,700 គ្រឿងសម្រាប់រយះពេល 72 ម៉ោង៕