ស្មាតហ្វូនបត់បានរបស់ Moto ដែលចេញលក់នៅលើទីផ្សារសកល នឹងប្រើឈ្មោះថ្មីហៅថា Moto Razr 22

កាលពីខែសីហាកន្លងទៅ ក្រុមហ៊ុន Motorola បានប្រកាសចេញនូវស្មាតហ្វូនបត់បានជំនាន់ថ្មីរបស់ខ្លួនម៉ូដែល Moto Razr 2022 នៅក្នុងទីផ្សារប្រទេសចិន។ នៅពេលនេះមានការទម្លាយចេញនូវគំរូរាបរាងស្មាតហ្វូនដែលក្រុមហ៊ុនគ្រោងនឹងចេញលក់នៅលើទីផ្សារសកលហើយ ក៏មានការចែករំលែកតាមបណ្តាញផ្សព្វផ្សាយផងដែរ ប៉ុន្តែសម្រាប់ការចេញលក់នេះ គឺមិនមានប្រើប្រាស់ឈ្មោះដដែលនោះទេ គឺបានផ្លាស់ប្តូរឈ្មោះថ្មីហៅថា Moto Razr 2022។

យោងតាមការបញ្ជាក់ពី Nils Ahrensmeier បានអោយដឹងថា ស្មាតហ្វូនបត់បានដែលមានរូបរាងគ្រុំម៉ូដែលថ្មីនេះ នឹងចេញលក់នៅលើទីផ្សារសកលឆាប់ៗនេះហើយ ដោយប្រើប្រាស់ឈ្មោះថា Razr 22។ ស្មាតហ្វូន Moto Razr 22 ត្រូវបានគេដឹងរួចមកហើយថា ប្រើប្រាស់នូវអេក្រង់ខាងក្នុទំហំ 6.7-អ៊ីង ដែលជាកញ្ចក់ P-OLED បង្ហាញចេញបានជាមួយកម្រិត FHD+ ជាមួយresolution 1080x2400 pixels នៅលើខ្នាត 20:9 ហើយនិងមានល្បឿន 120Hz refresh rate។ សម្រាប់អេក្រង់ខាងក្រៅវិញ គឺជាប្រភេទអេក្រង់ G-OLED មានទំហំ 2.7 អ៊ីង និងអាចបង្ហាញចេញបានទំហំ 573x1080 pixels។ 

Razr 22 នឹងដំណើរការនៅលើបន្ទះឈីប Snapdragon 8 Plus Gen 1។ ហើយសម្រាប់ការចេញលក់នៅប្រទេសចិនវិញ គឺមានទំហំ 8GB+128GB និងទំហំ 12GB+256GB ហើយនិងទំហំ 12GB+512GB។ ស្មាតហ្វូនបត់បានថ្មីនេះ រត់នៅលើប្រព័ន្ធប្រតិបត្តិការ Android 12 OS ដែលមានការផ្អែកលើស្បែកកម្មវិធី MY UI 4.0។ និយាយពីការថតរូបស្មាតហ្វូននេះវិញ គឺមានការប្រើប្រាស់កាមេរ៉ាគោលទំហំ 50-Megapixel គាំទ្រដោតមុខងារទប់លំនឹង OIS និងមានគ្រាប់ទីពីរទំហំ 13-Megapixel ultra-wide lens។ 

ស្មាតហ្វូនបត់បាននេះ មានថ្មទំហំ 3,500mAh និងគាំទ្រដោយកម្លាំងសាក 30W charging។ សម្រាប់តម្លៃនៃការចេញលញ់ស្មាតហ្វូនបត់បាន Razr 22 នៅលើទីផ្សារសកល គឺនៅមិនទាន់មានការបញ្ជាក់ទេ ខណៈដែល Galaxy Z Flip 4 ដែលជាគូរប្រជែងមានតម្លៃ្ $999។ សូមជំរាបថា ស្មាតហ្វូននេះ ចេញលក់នៅលើទីផ្សារចិនជាមួយតម្លៃ 5,999 Yuan (~$850)។