កាលពីខែឧសភាឆ្នាំ 2022 កន្លងទៅនេះ Google បានបញ្ជាក់ពីការបង្ហាញវត្តមានរបស់ថេប្លេតរបស់ខ្លួននៅលើទីផ្សារឆាប់ៗនេះម្តងរួចមកហើយ ដោយថេប្លេតគឺនឹងមានឈ្មោះថា Pixel Tablet ហើយក៏មានការទម្លាយព័ត៌មានជាច្រើនផងដែរស្តីពីលក្ខណៈសម្បត្តិ និងរូបរាងរបស់ថេប្លេតនេះ។
នៅពេលនេះ ក្រុមហ៊ុននេះបានបញ្ជាក់ច្បាស់ហើយថា ថេប្លេតថ្មីនេះ នឹងបង្ហាញវត្តមានជាផ្លូវការនៅក្នុងឆ្នាំ 2023 ខាងមុខនេះហើយ ខណៈដែលពាក្យចចាមអារ៉ាម និងរបាយការណ៌ជាច្រើនក៏បាននឹងកំពុងតែបន្តធ្វើការទម្លាយព័ត៌មានថ្មីរបស់ថេប្លេតនេះដូចគ្នា។ នៅថ្ងៃនេះ អ្នកអភិវឌ្ឍកម្មវិធីមួយរូបដែលមានឈ្មោះថា Kuba Wojciechowski ក៏បានចែករំលែកនូវព័ត៌មានថ្មីរបស់ថេប្លេត Pixel Tablet នេះតាមរយៈ វិបសាយ 91Mobiles ដោយបានសសេថា ថេប្លេត Pixel tablet គឺបានធ្វើតេស្ត EVT ហើយ។ សូមជំរបថា Engineering Validation Test បានញ្ជាក់ថា ថេប្លេតនេះ គឺបានចេញជារូបរាង Prototype Stage ហើយក្រុមហ៊ុនក៏បាននឹងកំពុងតែធ្វើការវាយតម្លៃទៅលើផលិតផលថ្មីននេះផងដែរ។ ហើយសម្រាប់ការឌីស្សាក និងការប្រើប្រាស់លក្ខណៈសម្បត្តិក៏ដូចជាគ្នាដែរ គឺធ្វើការងាររួចរាល់ហើយ។
Wojciechowski បានបន្ថែមថា ក្រុមហ៊ុននេះ ក៏នឹងនាំចេញនូវថេប្លេតនេះនៅទៅកាន់ប្រទេសឥណ្ឌា ដើម្បីធ្វើតេស្ត EVT និងការបញ្ជាក់ពីការទទួលស្គាល់ផងដែរ។ ខណៈដែលមិនទាន់មានការបញ្ចេញព័ត៌មាននោះ ថេប្លេត Pixel Tablet គឺនឹងមានពីរតទំហំគឺ 128GB និង 256GB ខណៈដែលរ៉េមក៏នឹងមានពីរទំហំដូចគ្នា ប៉ុន្តែមិនទាន់បញ្ជាក់ច្បាស់នោះទេ។ Pixel Tablet នឹងមានការប្រើអេក្រង់ 10.95 អ៊ីង និងមាមការគាំទ្រដោយ WiFi 6 standards។
