ក្រុមហ៊ុន vivo បានប្រកាសជាផ្លូវការហើយថា ស្មាតហ្វូនបត់បានជំនាន់ថ្មី vivo X Fold+ នឹងមានការដាក់សម្ពោធនៅថ្ងៃទី 26 ខែកញ្ញាខាងមុខនេះហើយ ថែមទាំងមានការបញ្ចេញនូវគំរូ Poster បញ្ជាក់ពីកាលបរិច្ឆេត ហើយនឹងជម្រើសពណ៌ថ្មី ពណ៍ក្រហមស្រស់ថែមទៀតផង។ សម្រាប់រូបរាងនៃការឌីស្សាញនោះ គឺដូចមុនចឹងគឺមានពណ៌ខ្មៅ ខៀវ និងពណ៌ក្រហម ដែលខ្នងក្រោយរបស់ស្មាតហ្វូនេះ នឹងផលិតចេញពីស្បែកដូចគ្នា។
ពណ៌ថ្មីនេះ ត្រូវបានហៅថា “Huaxia Red”។ ក្រុមហ៊ុន vivo បានបញ្ជាក់ថា ពណ៌ថ្មីនេះ គឺពណ៌ក្រហមនេះ គឺតំណាងអោយអរិយធម៌ប្រទេសចិន និងមានការបញ្ជាក់ពីភាពរីកចំរើន រួមនឹងការអភិវឌ្ឍនៃប្រទេសចិនផងដែរ។ vivo X Fold+ ត្រូវបានគេរំពឹងថា នឹងមានបំពាក់នូវបន្ទះឈីប Snapdragon 8+ Gen 1 ដែលមានការអមដំណើរដោយរ៉េមទំហំ 12GB និងអង្គចងចាំនៅក្នុងម៉ាស៊ីនទំហំ 512GB ព្រមទាំងមានថ្មទំហំធំគឺ 4,730mAh battery ដែលមានការគាំទ្រដោយកម្លាំងសាក 80W ថែមទៀតផង។
សម្រាប់ផ្នែកមួយចំនួនទៀត រួមទាំងការឌីស្សាញរូបរាងនោះ គឺមានសភាពប្រហាក់ប្រហែលគ្នាជាមួយនិង vivo X Fold អញ្ចឹងដែរ ហើយសម្រាប់តម្លៃវិញ គឺអាចនឹងមានការទម្លាយចេញនូវសប្តាហ៌ក្រោយ ខណៈដែលម៉ូដែលមុន គឺមានតម្លៃ CNY 9,000 ដែលប្រហែលជា €1,300/$1,415)។ ជាមួយគ្នានេះ ស្មាតហ្វូននេះ ទំនងជានឹងមិនទាន់មានលក់នៅលើទីផ្សារក្រៅពីប្រទេសចិននោះទេ។