នៅថ្ងៃនេះ Xiaomi បានប្រកាសច្បាស់ហើយថា នឹងមានការសម្ពោធស្មាតហ្វូនម៉ូដែលថ្មី Xiaomi CIVI 2 នៅប្រទេសចិននាថ្ងៃទី 27 ខែកញ្ញាខាងមុខនេះហើយ។ ខណៈដែលពេលវេលាមិនទាន់មកដល់នោះ ក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយនេះ បានចាប់ផ្តើមបញ្ចេញនូវគំរូរូបភាពផ្នែកខាងក្រោយរបស់ស្មាតហ្វូនម៉ូដែលថ្មី CIVI 2 នេះហើយ។ បើតាមការទម្លាយរបលោក Kacper Skrzypek ដែលជាប្រភពជឿជាក់បាននោះ គឺបានបង្ហាញចេញនូវព័ត៌មានមួយចំនួនរបស់ស្មាតហ្វូននេះហើយថែមទាំងមានការបញ្ជាក់ថា ស្មាតហ្វូននេះ អាចនឹងមានការប្រកាចេញសម្រាប់ទីផ្សារសកលថែមទៀតផង។
ក្រឡេកមកមើលគំរូបរូបភាពដែលបានទម្លាយចេញនៅពេលនេះ គឺមានការបង្ហាញថា ស្មាតហ្វូន Xiaomi CIVI 2 ថ្មីនេះ គឺមានការផ្តោតខ្លាំងទៅលើយុវតី និងមានខ្នងក្រោយឌីស្សាញយ៉ាងឡូយថែមទៀត ហើយស្មាតហ្វូននេះ ក៏អាចនឹងមានទំរង់ពណ៌ចម្រុះខុសគ្នាផងដែរ។ បន្ថែមពីនេះ នៅលើរូបភាពនេះ ក៏មានបញ្ជាក់ច្បាស់ថា ស្មាតហ្វូននេះ នឹងមានកាមេរ៉ាគោលទំហំ 50-Megapixel ហើយនិងមានទ្រទ្រង់ជាមួយសម្លេង Dolby Atmos ថែមទៀត។ ស្មាតហ្វូននេះ មានការបំពាក់នូវប៊ូតុងសម្លេង និងប៊ុតុងបិទបើកនៅផ្នែកខាងស្តាំ ខណៈដែលផែ្នលខាងលើមានមុខងារ IR blaster និង Microphone។ ចំពោះផ្នែកខាងក្រោមវិញ គឺមានរន្ធស៊ីមកាត និងរន្ធ USB-C ហើយឧបាល័រ។
និយាយពីផ្នែកខាងមុខវិញម្តង បើទោះបីជាមិនទាន់មានការបង្ហាញចេញច្បាស់ក៏ដោយ ស្មាតហ្វូននេះត្រូវបានគេដឹងហើយថា នឹងមានអេក្រង់ OLED ដែលមានគែមអេក្រង់កោង ហើយនិងមានរន្ធ Punch-Hole នៅចំកណ្តាល។ ជាមួយគ្នានេះក្រុមហ៊ុន Xiaomi ក៏បានបញ្ជាល់ថា ស្មាតហ្វូននេះកម្រ៉ាស់ 7.23mm និងមានទម្ងន់ 171 ក្រាម ផងដែរ ដែលស្តើងជាង និងធ្ងន់ជាងម៉ូដែលមុនបន្តិច។ បើតាមការបញ្ជាក់ពីអ្នកទម្លាយ Skrzypek បានអោយដឹងថា ស្មាតហ្វូន CIVI 2 នឹងប្រកាសចេញនៅលើទីផ្សារសកលជាមួយនិងឈ្មោះផ្សេងមួយទៀត។
Xiaomi CIVI 2 ត្រូវគេរំពឹងថា នឹងមានអេក្រង់ទំហំ 6.56-អ៊ីង OLED បង្ហាញចេញបានកម្រិត FHD+ ជាមួយល្បឿន 120Hz display ហើយនិងមានការបំពាក់នូវបន្ទះឈីប Snapdragon 7 Gen 1 រួមនិងរ៉េមទំហំ 12GB និងអង្គចងចាំទំហំ 256GB ថែមទៀត។ ស្មាតហ្វូននេះ នឹងថ្មទំហំ 4,500mAh គាំទ្រដោយកម្លាំងសាក 67W fast charging។ ចំពោះកាមេរ៉ាថតរូបវិញ ស្មាតហ្វូននេះ មានកាមេរ៉ាមុខទំហំ 32-Megapixel និងកាមេរ៉ាក្រោយទំហំ 50-Megapixel (OIS)+8-Mgeapixel (ultra-wide)+2-Megapixel (macro)។ ស្មាតហ្វូននេះក៏មានតម្លើងនូវប្រព័ន្ធស្កែនម្រាមដៃក្រោមអេក្រង់ផងដែរ។