Huawei Mate 50 Series លក់អស់ស្តុកភ្លាមៗត្រឹមមួយវិនាទីប៉ុណ្ណោះ

កាលពីម្សិលមិញនេះស្មាតហ្វូនជំនាន់ថ្មីម៉ូដែល Huawei Mate 50 Series ត្រូវបានក្រុមហ៊ុនបច្ចេកវិទ្យាយក្សរបស់ចិនមួយនេះ ប្រកាសដាក់លក់ជាផ្លូវការហើយជូនអតិថិជនរបស់ខ្លួនហើយ។ ស្មាតហ្វូនថ្មីនេះ ត្រូវបានអស់ស្តុកភ្លាមៗផងដែរត្រឹមរយៈពេល 1 វិនាទីប៉ុណ្ណោះ។ បើតាមការបញ្ជាក់នៅក្នុងរបាយការណ៌ គឺបាននិយាយថា គ្រប់ហាងរបស់ Huawei ទាំងអស់ គឺមានមនុស្សជាច្រើនបានតំរង់ជួរគ្នារង់ចាំជាវស្មាតហ្វូនម៉ូដែលថ្មីនេះ។ ជាមួយគ្នានេះ ក៏មានការចែកចាយរូបភាពមនុស្សច្រើននេះពីសំណាក់អ្នកប្លុកនៅលើ Weibo ផងដែរ។

សូមជំរាបថា សម្រាប់ស្មាតហ្វូន Huawei Mate 50 series គឺមិនមែនជាម៉ូដែលមួយស្ថិតនៅក្នុងលំដាប់ស្មាតហ្វូនដែលមានតម្លៃធូថ្លៃនោះទេ ខណៈដែលមានការរង់ចាំទិញស្មាតហ្វូននេះច្រើនបែបនេះ គឺដោយសារតែគេមើលឃើញថា ស្មាតហ្វូនជំនាន់ថ្មីនេះ គឺមានការឌីស្សាញជាមួយទម្រង់ថ្មី រួមជាមួយនិងបច្ចេកវិទ្យាទំនើបៗជាច្រើនទើបធ្វើអោយមានភាពកក្រើកបែបនេះ។ សម្រាប់ការលក់ដំបូងនេះ ត្រូវបានគេបញ្ជាក់ថា គឺមាន 4 លានគ្រឿង ប៉ុន្តែនេះមិនទាន់អាចជាតួរលេខបញ្ចប់នោះទេ គឺរង់ចាំតាមដាបន្តទៀត រហូតដល់មានការប្រកាសជាផ្លូវការ។ 

បើតាមប្រភពខាងលើនេះ គឺបាននិយាយថា ក្រុមហ៊ុន Huawei គឺបានដាកគោលដៅលក់ស្មាតហ្វូន Mate 50 series អោយ បានចំនួន 10 លានគ្រឿង។ ប្រសិនអាចធ្វើបានតាមការគ្រោងទុកមែននោះ ក្រុមហ៊ុន Huawei នឹងអាចបំបែកកំណត់ត្រាថ្មីជាមិនខានសម្រាប់រយៈពេល 2 ឆ្នាំមកនេះ។ កុំភ្លេចរង់ចាំតាមដានជាមួយគ្នាណា!