ដំណឹងថ្មី! នៅពេលនេះ ស្មាតហ្វូនបត់បាន OPPO Find N2 និង Flip Phone កំពុងស្ថិតក្នុងសង្វាក់ផលិតកម្មហើយ

នៅថ្ងៃនេះមានរបាយការណ៌ជាច្រើនបានបញ្ជាក់ថា ក្រុមហ៊ុន OPPO គឺបាននឹងកំពុងធ្វើការនៅលើស្មាតហ្វូនបត់បានជំនាន់ថ្មី នៃ OPPO Find N ដែលបានបង្ហាញវត្តមានកាលពីឆ្នាំមុនហើយ។ សម្រាប់ឆ្នាំនេះលឺថា ក្រុមហ៊ុនបច្ចេកវិទ្យាយក្សរបស់ចិនមួយនេះ ក៏មានការបញ្ចេញនូវម៉ូដែលមួយទៀតដែលរូបរាងដូចជា គ្រំ ផងដែរ ដែលនេះក៏ជាស្មាតហ្វូនបត់បានដូចគ្នា។ ប៉ុន្តែមិនមានការបញ្ជាក់ពីឈ្មោះរបស់ស្មាតហ្វូននេះនៅឡើយទេ។ ទាក់ទងជាមួយនិងព័ត៌មាននេះ អ្នកទម្លាយ Digital Chat Station ក៏បានចែករំលែកព័ត៌មានថ្មីរបស់ស្មាតហ្វូនបត់បានថ្មីៗទាំងនេះផងដែរ។

បើតាមការសសេររបស់អ្នកទមា្លយរូបនេះ គឺបានបញ្ជាក់ថា ស្មាតហ្វូនបត់បានទាំងពីរនេះ គឺត្រូវបានកំពុងតែស្ថិតនៅក្នុងការផលិតផងដែរ ដោយស្មាតហ្វូនមួយគឺមានឈ្មោះថា “White Swan,” ខណៈដែលម៉ូដែល Flip Phone មានឈ្មោះថា “Dragonfly” ហើយស្មាតហ្វូនទាំពីរនេះ គឺត្រូវបានក្រុមហ៊ុនបំពាក់មកជាមួយនូវបន្ទះឈីប Snapdragon 8 Plus Gen 1។ អ្នកទម្លាយរូបនេះបានបន្តថា ស្មាតហ្វូនបត់បានទាំងនេះ គឺមានច្រើនពណ៌សម្រាប់ធ្វើការជ្រើសរើស ក្នុងនោះមានដូចជា Black, White និង Green ជាដើម។ សម្រាន់ម៉ូដែល Flip Phone គឺមានពណ៌ Black, White និង Purple។ 

ជាមួយនិងវត្តមានរបស់ស្មាតហ្វូនបត់បានរបស់ OPPO ដែលមានរូបរាងដូចជា គ្រំ នេះ គឺមានការឌីស្សាញស្រដៀងគ្នាទៅនឹង Samsung Galaxy Z Flip 4, Moto Razr 2022, និងHuawei P50 Pocket New ដែលទើបនឹងចេញលក់នៅប្រទេសចិនថ្មីៗអញ្ចឹងដែរ។ ជាមួយគ្នានេះ OPPO ក៏បានបញ្ជាក់ថា ខ្លួនក៏កំពុងតែធ្វើការនៅលើស្មាតហ្វូនជំនាន់ថ្មីនៃត្រកូល Find X6 Series ផងដែរ ហើយថែមទាំងបន្ថែមថា ស្មាតហ្វូន Find X6 នឹងប្រើប្រាស់បន្ទះឈីប Snapdragon 8 Plus Gen 1 ខណៈដែល Find X6 Pro នឹងប្រើប្រាស់បន្ទះឈីប Snapdragon 8 Gen 2។ ស្មាតហ្វូន Find X6 Series ទំនងជានឹងបង្ហាញវត្តមាននៅត្រីមាសទី 1 ឆ្នាំ 2023 ខាងមុខនេះហើយ។