Motorola ត្រៀមប្រកាសចេញស្មាតហ្វូនបត់ពីរម៉ូដែល ដើម្បីដណ្តើមចំនែកទីផ្សារ Samsung នៅឆ្នាំក្រោយនេះ

បច្ចុប្បន្ន Samsung នៅតែជាស្តេចគ្រងដំណែងក្នុងទីផ្សារស្មាតហ្វូនអេក្រង់បត់។ ហើយបច្ចុប្បន្ននេះមានក្រុមហ៊ុនផលិតស្មាតហ្វូនមួយចំនួនរបស់ប្រទេសចិនក៏បានហក់ចោលក្នុងវិស័យស្មាតហ្វូនមួយនេះផងដែរ ក្នុងនោះរួមមានក្រុមហ៊ុន Motorola ផងដែរ ដោយក្រុមហ៊ុនមួយនេះ បានប្រកាសចេញស្មាតហ្វូនបត់បែបសម្បកគ្រុំ ឬ Clamshell ដំបូងរបស់ខ្លួនក្រោមស្លាកឈ្មោះថា Moto Razr ក្នុងឆ្នាំ 2019។

ទោះជាយ៉ាងណាស្មាតហ្វូនបត់ដំបូងរបស់ក្រុមហ៊ុននេះមិនទទួលបានជោគជ័យឡើយដោយសារតែមានតម្លៃរាងថ្លៃ ប៉ុន្តែមានគុណសម្បត្តិទាបដូចជាការបំពាក់កាមេរ៉ាក្រោយមួយគ្រាប់ទំហំត្រឹម 16MP និងមានថ្មតូចត្រឹម 2,500mAh ដែលជាហេតុធ្វើឲ្យស្មាតហ្វូនចេញពីក្រុមហ៊ុនចិននេះមិនអាចប្រជែងជាមួយ Galaxy Z Flip របស់ Samsung បាន។ 

ទោះបីជាមិនជោគជ័យលើស្មាតហ្វូនអេក្រង់បត់ដំបូងរបស់ខ្លួនក្តី ក៏ Motorola ដែលបច្ចុប្បន្នគ្រប់គ្រងដោយក្រុមហ៊ុន Lenovo បានបន្តអភិវឌ្ឍន៍បន្ថែម និងបានបញ្ចេញជំនាន់ថ្មីៗមកជាបន្តបន្ទាប់ ដូចជានៅដើមឆ្នាំ 2022 នេះ Moto Razr ជំនាន់ថ្មីត្រូវបានប្រាកដរូបរាងឡើងជាមួយនឹងការកែប្រែការឌីស្សាញថ្មីមួយចំនួន និងបំពាក់គុណសម្បត្តិកំពូលៗតែម្តង ហើយនិងចេញលក់ក្នុងតម្លៃធូរថ្លៃ ប៉ុន្តែ Moto Razr 2022 នៅតែមិនមែនជាដៃគូប្រជែងទីផ្សារជាមួយ Samsung Galaxy Z Flip 4 ដដែល។

មិនបោះបង់ក្តីសង្ឃឹមរបស់ខ្លួនត្រឹមនេះនោះទេ ដោយតាមប្រភពព័ត៌មានចចាមអារាមបានបង្ហើបថា Lenovo ដែលជាក្បាលម៉ាស៊ីន Motorola បច្ចុប្បន្ន បានត្រៀមយុទ្ធសាស្ត្រថ្មីសម្រាប់វាយប្រហារដណ្តើមចំណែកទីផ្សារស្មាតហ្វូនអេក្រង់បត់ជាមួយ Samsung នៅក្នុងឆ្នាំ 2023។ បើតាមប្រភពព័ត៌មានបញ្ជាក់ថា Motorola នឹងបញ្ចេញស្មាតហ្វូនអេក្រង់បត់ Moto Razr ចំនួន 2 ម៉ូដែលនៅក្នុងឆ្នាំ 2023 ខាងមុខនេះដោយស្មាតហ្វូនអេក្រង់បត់ទាំងពីរម៉ូដែលនោះ គឺប្រើឈ្មោះកូដសំគាល់ម៉ូដែលថា “Juno” និង “ Venus”។ 

ដំណឹងនេះ អាចនឹងធ្វើឲ្យក្រុមហ៊ុន Samsung មានការខ្វល់ខ្វាយក្រហាយហរទ័យបន្តិចដែរ ប្រសិនបើ Motorola បានប្រកាសចេញស្មាតហ្វូនអេក្រង់ម្តងពីរម៉ូដែលមែននោះ។ ម៉្យាងទៀតក្រុមហ៊ុន Motorola អាចនឹងប្រកាសចេញស្មាតហ្វូនអេក្រង់ជំនាន់ថ្មីរបស់ខ្លួននៅឆមាសដំបូងនៅឆ្នាំក្រោយនេះ ខណៈដែល Samsung នឹងប្រកាសចេញស្មាតហ្វូនបត់ជំនាន់បន្ទាប់របស់ខ្លួន Galaxy Z Fold 5 និង  Z Flip 5 នៅឆមាសទីពីរ។ ដូចនេះ Motorola អាចមានប្រៀបទីផ្សារជាង Samsung បន្តិច។ មិនមែនមានតែ Motorola នោះទេដែលត្រៀមដណ្តើមទីផ្សារស្មាតហ្វូនអេក្រង់បត់ជាមួយ Samsung ចំនែក OPPO វិញក៏ត្រូវបានគេមើលឃើញថាបាននឹងកំពុងធ្វើការអភិវឌ្ឍន៍ផលិតស្មាតហ្វូនអេក្រង់បត់បែប Clamshell មួយទៀតដើម្បីដាក់ប្រជែងទីផ្សារជាមួយ Samsung Galaxy Z Flip Series ផងដែរនៅក្នុងឆ្នាំ 2023៕

 

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
OPPO កំពុងស្វែងរកម្ចាស់ប្រាក់លានជារៀងរាល់ថ្ងៃ! អ្នកណាខ្លះចង់ក្លាយជាសេដ្ឋីប្រាក់លានចុងឆ្នាំ2022?

OPPO កំពុងស្វែងរកម្ចាស់ប្រាក់លានជារៀងរាល់ថ្ងៃ! អ្នកណាខ្លះចង់ក្លាយជាសេដ្ឋីប្រាក់លានចុងឆ្នាំ2022?

ដោយ ប៉េងលីន
លេចធ្លាយព័ត៌មានសំខាន់របស់ Redmi K60 Series នៅមុនការសម្ពោធជាផ្លូវការណ៌!

លេចធ្លាយព័ត៌មានសំខាន់របស់ Redmi K60 Series នៅមុនការសម្ពោធជាផ្លូវការណ៌!

ដោយ ប៉េងលីន
 ASUS Exclusive Store បើកសម្ពោធជាផ្លូវការណ៌នៅលើទីផ្សារកម្ពុជា ជាមួយនិងការដាក់តាំងលក់ផលិតផលជាច្រើន

ASUS Exclusive Store បើកសម្ពោធជាផ្លូវការណ៌នៅលើទីផ្សារកម្ពុជា ជាមួយនិងការដាក់តាំងលក់ផលិតផលជាច្រើន

ដោយ ប៉េងលីន
Samsung Galaxy S23 និង Galaxy S23 Plus បង្ហាញវត្តមាននៅលើ FCC មុនការប្រកាសចេញនៅខែកុម្ភៈ

Samsung Galaxy S23 និង Galaxy S23 Plus បង្ហាញវត្តមាននៅលើ FCC មុនការប្រកាសចេញនៅខែកុម្ភៈ

ដោយ ប៉េងលីន
ក្រុមហ៊ុន GGEAR GROUP សហការជាមួយ Footprints International School រៀបចំកម្មវិធីបរិច្ចាគឈាមដោយស្ម័គ្រចិត្ត នៅថ្ងៃទី 17 ខែធ្នូ ឆ្នាំ 2022

ក្រុមហ៊ុន GGEAR GROUP សហការជាមួយ Footprints International School រៀបចំកម្មវិធីបរិច្ចាគឈាមដោយស្ម័គ្រចិត្ត នៅថ្ងៃទី 17 ខែធ្នូ ឆ្នាំ 2022

ដោយ ប៉េងលីន
តើអ្នកជួបរឿងអ្វីខ្លះក្នុងឆ្នាំ 2022? តោះបង្ហោះរូបបង្ហាញអារម្មណ៍ ដើម្បីបានកាដូជាច្រើនដោយ Free Free ពី OPPO!

តើអ្នកជួបរឿងអ្វីខ្លះក្នុងឆ្នាំ 2022? តោះបង្ហោះរូបបង្ហាញអារម្មណ៍ ដើម្បីបានកាដូជាច្រើនដោយ Free Free ពី OPPO!

ដោយ ប៉េងលីន